Aktyvistku Viku Biran aštrafavali za pikiet suprać «hamafobskaj zajavy» na sajcie MUS
Sud Centralnaha rajonu Miensku pakaraŭ zasnavalnicu hiendernaha prajektu Makeout Viku Biran štrafam u pamiery 367,5 rubla (15 bazavych vieličyń), paviedamlaje Radyjo Svaboda.
Jaje pryznali vinavataj pavodle č. 1 art. 23.34 Administracyjnaha kodeksu za arhanizacyju «masavaha mierapryjemstva», pikietu, na jaki jana vyjšła adna da troch administracyjnych budynkaŭ u Miensku.
24 traŭnia Vika Biran ŭ ramkach fłešmobu suprać dyskryminacyi ŁHBT-supolnaści vyjšła ź plakatam «Sami vy padrobka» da budynkaŭ Domu ŭradu, Ministerstva ŭnutranych spravaŭ i Kamitetu dziaržaŭnaj biaśpieki. Paśla hetaha jana apublikavała ŭ sacsietkach try zdymki — pa adnym kala kožnaha z budynkaŭ.
Spačatku joj pryjšła pozva za «masavaje mierapryjemstva — adzinočny pikiet» z RUUS Maskoŭskaha rajonu, u jakim znachodzicca Dom uradu, a paźniej z Centralnaha, dzie mieścicca budynak MUS, i Leninskaha (pavodle prapiski skveru nasuprać KDB (sam budynak KDB u Centralnym rajonie).
Na momant pryznačanych pracesaŭ Vika Biran znachodziłasia z navučalnym vizytam u ZŠA, tamu nie zmahła prysutničać na sudach. Jana paprasiła pieranieści datu sudu na čas, kali vierniecca dadomu. Ciapier kožnaje fota z pasta razhladajecca jak asobnaje pravaparušeńnie.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary