Na sajcie homielskaj siaredniaj škoły №5 źjaviłasia abjava pra toje, što na 2018/2019 navučalny ŭ baćkoŭ źjaviłasia mahčymaść addać dzicia ŭ pieršy kłas ź biełaruskaj movaj navučańnia.
Čytač «Našaj Nivy» Siarhiej Makrenka raskazaŭ, što pačynajučy z kastryčnika 2017 hoda jon nakiroŭvaŭ zvaroty ŭ škołu, adździeł adukacyi, Ministerstva adukacyi, prakuraturu Homiela.
«Sens usich adkazaŭ, jakija ja atrymaŭ, — raspaviadaje Siarhiej, — kali nabiarecca nieabchodnaja kolkaść dziaciej, tady kłas i budzie arhanizavany. Było abiacana, što budzie praviedzienaje apytańnie baćkoŭ, ci žadajuć jany addać dzicia ŭ biełaruskamoŭny kłas, i pra heta budzie mnie paviedamlena».
Na siońnia nieviadoma, kolki baćkoŭ, akramia Siarhieja, padali zajaŭku ŭ biełaruskamoŭny kłas. Dyrektar škoły ciapier znachodzicca ŭ adpačynku.
«Ja zaklikaju baćkoŭ, jakija chacieli b, kab dzicia navučałasia pa-biełarusku, padavać dakumienty ŭ SŠ №5. Dla hetaha dastatkova ŭ zajavie padkreślić pažadanuju movu navučańnia», — prosić Siarhiej Makrenka.
Pryjom dakumientaŭ u pieršy kłas ažyćciaŭlajecca da 28 žniŭnia. Dadatkovuju infarmacyju možna atrymać pa homielskich telefonach 8-0232-32-00-91 i 8-0232-32-00-93.
Inšy varyjant — padać dakumienty ŭ himnaziju №36. Tam taksama nabirajuć biełaruskamoŭny kłas.
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
-
Vajskoŭcy źbili jak minimum adzin bieśpiłotnik 26 lutaha nad Homielem
Kamientary