Łondanski futbolny kłub «Čełsi» zapatrabavaŭ ad «Reała» 200 miljonaŭ funtaŭ sterlinhaŭ (224 miljony jeŭra) za tranśfier paŭabaroncy Edena Azara. Pra heta paviedamlaje Daily Mail.
Pavodle infarmacyi vydańnia, ispanski kłub pakul nie hatovy zapłacić za hulca takuju sumu. Adznačajecca, što sam Azar chacieŭ by pierajechać u Madryd, adnak futbalist nie akazvaje cisku na «Čełsi» ŭ pytańni tranśfieru.
U vypadku paśpiachovaha zaviaršeńnia pieramoŭ bielhijec stanie samym darahim u historyi futbalistam. Na dadzieny momant im źjaŭlajecca brazilec Nejmar, za jakoha PSŽ letam minułaha hoda addaŭ 222 miljony jeŭra «Barsiełonie».
Azar źjaŭlajecca adnym z kandydataŭ na zamienu partuhalcu Kryšcijanu Ranałdu, jaki syšoŭ z «Reała» u «Juvientus» za 100 miljonaŭ jeŭra. Na čempijanacie śvietu bielhijec razam z kamandaj zavajavaŭ bronzavyja miedali i atrymaŭ «Siarebrany miač». Najlepšym hulcom turniru pryznali charvata Łuku Modryča.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary