Druk biełaruskaha niezaležnaha navukova-papularnaha časopisa Arche moža spynicca z-za niedachopu srodkaŭ. Ciapier časopis vychodzić raz na kvartał, ale z-za niedachopu srodkaŭ moža całkam pierajści ŭ internet.
Redakcyja źbiraje resursy, dziakujučy jakim zmoža praciahvać vydavać časopis u drukavanym vyhladzie i znajści novych čytačoŭ.
Achviaravać na vydańnie Arche možna na kraŭdfandynhavaj płatformie Talaka.
Arche — biełaruski niezaležny navukova-papularny časopis. Źjaŭlajecca prykmietnaj źjavaj siarod nacyjanalnych ŚMI. Jaho aŭtarami stali ledź nie ŭsie znakamityja historyki, palitołahi i piśmieńniki 1990—2000-ch.
Pieršy numar vyjšaŭ u 1998. Časopis znajomić biełarusaŭ z historyjami haradoŭ, ludziej i važnych padziej. Piša ab nacyjanalnaj identyčnaści, historyi i pamiaci pra Druhuju suśvietnuju vajnu, zmročnych časach stalinskich represijaŭ.
ARCHE publikuje pracy biełaruskich intelektuałaŭ i pierakłady zamiežnych aŭtaraŭ.
Źjaŭlajecca siabram sietki eŭrapiejskich časopisaŭ «Eurozine».
Hałoŭny redaktar — Valer Bułhakaŭ. Specyjalizujecca ŭ halinie daśledavańniaŭ jeŭrapiejskich nacyjanalizmaŭ, u tym liku biełaruskaha.
Kamientary