31 lipienia ŭ Nacyjanalnym pres-centry prajšła pres-kanfierencyja Valeryja Kalinkoviča, namieśnika staršyni Viarchoŭnaha suda.
Jana była pryśviečana pracy sudoŭ u pieršym paŭhodździ 2018 hoda. U pryvatnaści, Kalinkovič paviedamiŭ, što za 6 miesiacaŭ razhledzieli 23 039 spraŭ. Asudzili 20 236 čałaviek — heta na 5,1% mienš, čym za toj ža pieryjad 2017 hoda.
Apraŭdali ž tolk 43 čałavieki. Adnaho ź ich — abvinavačanaha ŭ zabojstvie, 11 apraŭdanych sudzili za złačynstvy suprać pryvatnaj svabody, honaru i hodnaści.
Taksama ščylna zanialisia karupcyjanierami. U paraŭnańni ź minułym hodam kolkaść asudžanych pa adpaviednych artykułach vyrasła na 61%.
Pamiakčeńnia antynarkatyčnaha zakanadaŭstva, na dumku Kalinkoviča, čakać nie varta. Siońniašniaje pracuje efiektyŭna, ličyć jon.
«Ja hatovy abmiarkoŭvać złačynstvy z narkotykami biez mety prodažu. Tam kryminalnaja adkaznaść chodzić pobač ź vialikaj biadoj. Ale padstaŭ dla pamianšeńnia terminaŭ pa inšych artykułach, źviazanych z narkotykami, niama. Heta raspaŭsiud śmierci».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary