U Biełaruś nie puścili «indyjska-amierykanskuju hiendarna-niebinarnuju paetku-pierformierku-trans-aktyvistku»
Hramadzianina ZŠA indyjskaha pachodžańnia Ałoka Vajd-Menona 31 lipienia nie prapuścili praź miažu ŭ Nacyjanalnym aeraporcie «Miensk», skazała Svabodzie Vika Biran.
U atradzie pamiežnaha kantrolu «Miensk» Svabodzie paćvierdzili, što Vajd-Menona nia ŭpuścili ŭ Biełaruś na padstavie artykuła 30 Zakona ab pravavym pałažeńni zamiežnych hramadzianaŭ i asobaŭ biez hramadzianstva. Jaki kankretna punkt artykuła parušyŭ hramadzianin ZŠA aficer nie ŭdakładniŭ.
Pavodle hetaha artykułu admović va ŭjeździe mohuć, kali znachodžańnie zamiežnika ŭ Biełarusi supiarečyć:
- nacyjanalnaj biaśpiecy;
- hramadzkaj biaśpiecy;
- achovie maralnaści;
- achovie zdaroŭja nasielnictva;
- achovie svabod hramadzianaŭ i inšych asob.
«Hety hramadzianin nie departavany, jaho prosta adpraviać nazad u Amsterdam najbližejšym rejsam 1 žniŭnia ŭ 9.30», — paviedamiŭ pradstaŭnik Dziaržpamiežkamiteta.
Jak skazała Svabodzie Vika Biran, Ałok Vajd-Menon paviedamiŭ pa telefonie, što źviazvaŭsia z ambasadaj ZŠA ŭ Miensku. U ambasadzie jamu patłumačyli, što «heta vyhladaje jak zakonnaja sprava».
Vajd-Menon musiŭ vystupić 1 žniŭnia z publičnaj lekcyjaj u Miensku.
Na sajcie MakeOut Ałok Vajd-Menon apisvajecca jak «indyjska-amierykanskaja hiendarna-niebinarnaja paetka-pierformierka-trans-aktyvistka».
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary