U čaćvier startavała rekłamnaja anłajn-kampanija Vilni, jakaja jašče da aficyjnaha startu narabiła niamała rozhałasu — jana prezientuje horad jak «jeŭrapiejski punkt G».
Jak paviedamlaje Delfi, asnoŭnaja ideja rekłamy Go Vilnius zaklučajecca ŭ tym, što Vilnia — heta niaźviedany skarb, znajści jaki — adna asałoda.
U rekłamie na anhlijskaj movie havorycca: «Vilnia — heta punkt G Jeŭropy. Nichto nie viedaje, dzie jon, ale kali jaho znachodziać, heta ŭražvaje». Na rekłamnych płakatach namalavanaja dziaŭčyna, jakaja ściskaje praścinu-kartu ŭ miescy, dzie paznačanaja Vilnia.
U miežach kampanii stvorany sajt, jaki prapanuje prajści test: u adkaz na niekalki pytańniaŭ prapanavana karta słavutych miaścinaŭ Vilni, adaptavanuju dla kožnaha naviednika.
Akramia taho, raspracavany šerah videarolikaŭ, na jakich ludzi atrymlivajuć asałodu ad Vilni.
Raniej urad prasiŭ Vilenskuju meryju adkłaści pačatak rekłamnaj kampanii da zaviaršeńnia vizitu Papy Francyska, jaki adbudziecca ŭ vieraśni.
Litoŭskaja katalickaja carkva krytykavała rekłamu, śćviardžajučy, što jana umacoŭvaje imidž horada seks-turyzmu.
Premjer-ministr Litvy Saŭlus Skviernialis zajaviŭ, što markietołahi vybrali «dziŭny mietad rekłamy», adnak normaŭ marali nie pierajšli.
Rekłamnaje ahienctva Go Vilnius śćviardžaje, što vykarystoŭvajučy hulniu słoŭ i mietafary, prezientuje stalicu Litvy jak horad, što prynosić zadavalnieńnie, a rekłama nie vulharnaja.
Jašče da aficyjnaha pačatku rekłamnaj kampanii joj było pryśviečana 900 publikacyj u zamiežnaj presie, zajaviła dyrektar ahienctva Go Vilnius Inha Ramanoŭskienie.
Vilniu rekamiendavali naviedać The New York Times, hałoŭnyja brytanskija navinnyja partały The Guardian i The Independent, francuzskija, niamieckija i finskija ŚMI.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary