Alaksandr Łukašenka na naradzie ab chodzie vykanańnia daručeńniaŭ pa kompleksnym raźvićci Aršanskaha rajona zapatrabavaŭ na hetym tydni ŭnieści jamu prapanovy pa zamienach u kiraŭnictvie ŭrada, piša BiełTA.
Pa słovach kiraŭnika dziaržavy, adzinaja pryčyna nievykanańnia jaho daručeńniaŭ zaklučajecca ŭ «pafihistyčnym staŭleńni ŭrada da daručeńniaŭ prezidenta».
«Tamu na hetym tydni ŭnieści prapanovy pa zamienie ŭsiaho kiraŭnictva ŭrada, usioj viarchuški z reziervu kadraŭ, jaki mnoju sfarmiravany, — zapatrabavaŭ kiraŭnik krainy. — Chopić hladzieć im u rot, i jany buduć nam raskazvać, jak im składana, jak im ciažka!»
Alaksandr Łukašenka daručyŭ unieści prapanovy pa ministrach pramysłovaści i budaŭnictva.
«Jon siadzieŭ, nie moh adramantavać dach — vykanać daručeńnie prezidenta. Chto mieŭ prava admianiać maje rašeńni? A čamu nie vykanali, čamu nie zrabili, jak ja skazaŭ? Čamu budtrest kuvyrkajecca?» — zapytaŭ kiraŭnik dziaržavy. «Paźniaka (staršyniu Aršanskaha rajvykankama) — adpravić u adstaŭku i znajści jamu inšuju pracu», — zapatrabavaŭ kiraŭnik dziaržavy.
«I nie daj boh, tut nie budzie zroblena toje, što vy namiecili (učora vy nam hetuju prahramu razharnuli), i toje, što ja vam daručyŭ, - papiaredziŭ Alaksandr Łukašenka. — Jak varyjant, nakirujcie Vaŭka (ministr pramysłovaści) siudy — budzie vyciahvać usiu hetuju pramysłovaść. U jakoj pasadzie, ja ŭčora Šarstniovu skazaŭ: chaj vyznačajucca. Nie zrobić — pojdzie tudy, kudy ja ŭčora skazaŭ».
«Strohuju vymovu Šarstniovu za biezadkaznaje staŭleńnie da daručanaj spravy. Nakont kiraŭnictva ŭrada ja skazaŭ. Voŭka, Čornaha (ministr architektury i budaŭnictva) nieadkładna adpravić u adstaŭku. Dvihalovu i Zasiu (staršynia Dziaržkamvajenprama i dziaržaŭny sakratar Rady biaśpieki) — poŭnuju słužbovuju nieadpaviednaść. Nie vypraviać da vosieni spravu, nie prainfarmujuć mianie pa kožnym pradpryjemstvie, pojduć tudy ž. Usich astatnich adkaznych i inšych ja prosta papiaredžvaju», — zajaviŭ Łukašenka.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary