Rasijski sajt Ura.ru napisaŭ artykuł, u jakim sprabavaŭ razabracca, čamu ž aficyjny Minsk nie choča prymać rasijskaha pasła Babiča.
Krynicy vydańnia ŭ dypłamatyčnych kołach kažuć, što mienavita Biełaruś zaciahvaje pryjezd Babiča. Pavodle viersii krynicy, heta moža być źviazana z rolaj, jakuju Babič budzie ihrać jak pasoł, pracujučy na pieratvareńnie Sajuznaj dziaržavy Rasii i Biełarusi va ŭpłyvovuju strukturu.
Zatrymka ŭ pryznačeńni Babiča moža być źviazanaja z baraćboj za scenar tranzitu ŭłady, kaža palitołah Maksim Žaraŭ u kamientary Ura.ru. Pryčym havorka idzie pra pieradaču ŭłady jak u Rasii, tak i ŭ Biełarusi
«Post kiraŭnika Sajuznaj dziaržavy ŭ pierśpiektyvie źjaŭlajecca adnym z varyjantaŭ tranzitu ŭłady ŭ Rasii. Kali va Uładzimira Pucina skončycca ciapierašni prezidencki termin, jon moh by stać kiraŭnikom Sajuznaj dziaržavy»,
— raspavioŭ Žaraŭ.
Pry hetym pakul što zatrymku ŭ pryznačeńni Babiča nielha nazvać značnaj, kaža pieršy namieśnik staršyni kamiteta Dziaržaŭnaj dumy pa spravach SND Kanstancin Zatulin.
«Apošni raz ja sačyŭ za padobnymi historyjami, kali Michaiła Zurabava adpraŭlali pasłom va Ukrainu (u 2009 hodzie — zaŭv. Red.). Jaho pryznačyli pasłom jašče pry Viktary Juščanku, a adpraviŭsia ŭ Kijeŭ jon, tolki kali Viktar Janukovič vyjhraŭ vybary. U Rasii jon čakaŭ niekalki miesiacaŭ», — raspavioŭ deputat Ura.ru.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary