Ukrainiec, jaki hulaje za rasijski futbolny kłub, adviarnuŭsia ad ściaha Rasii padčas himna FOTA
Futbolnaja nacyjanalnaja liha — druhi pa ŭzroŭni turnir u Rasii. U im vystupaje kamanda «Nižni Noŭharad», u składzie jakoj hulaje ŭkrainski abaronca Vital Fiodaraŭ.
Pierad kožnym matčam spabornictvaŭ hučyć himn Rasii. Pierad pačatkam čarhovaj sustrečy «Nižni Noŭharad» — «Sočy» padčas vykanańnia himna Rasii, usie hulcy paviarnulisia da ściaha, ale Fiodaraŭ praciahnuŭ demanstratyŭna stajać tvaram da trybunaŭ.
Takija pavodziny ŭkrainca vyklikali šalenstva futbolnych zaŭziataraŭ. Samyja załajkanyja kamientary na spartyŭnym sajcie Sports.ru (miž inšym, davoli libieralny resurs):
- «Tady preč z Rasii. Jak pracavać tut, i babki atrymlivać ad rasiejcaŭ, tak ukry samyja pieršyja na zarobki. Niachaj u siabie ŭ chavierle na sała zarablaje ci ŭ Polščy»,
- «Heta ŭsio pakazucha, chočaš vykazać svaju pazicyju, jedź z Rasii i nie pracuj tut! Ad himna jon adviarnuŭsia, a ad rubloŭ nie))))»,
- «Jak jamu ciažka napeŭna hulać u krainie-ahresary, napeŭna, adčuvaje siabie Štyrlicam»,
- «A ad hrošaj z nadpisam «Bank Rasii» jon taksama advaročvajecca pry pałučcy? Nu takaja kłaunada ŭ mazhach u čałavieka. Samaścijnaść hałaŭnoha mozhu».
Na ŭkrainskim anałahu sajta, Ua.tribuna.com, nastroj kamientataraŭ inšy:
- «Nu dyk nie jechaŭ by da chrukohavaŭ, tiu»
- «Treba pryznać, što heta vielmi śmieły ŭčynak. Zaraz hałoŭnaje ŭtrymacca ad naporu raźjušanych maskavitaŭ i nie prasić prabačeńnia ni pierad kim»,
- «Znoŭ padarvała zaparebryju. Smurodu budzie… A čuvaka vyhaniać zaŭtra».
30-hadovy Fiodaraŭ — vychavaniec kijeŭskaha «Dynama». Na radzimie jon taksama vystupaŭ za «Havierłu», «Alimpik» i «Kryŭbas». U Rasii jon hulaŭ za piermski «Amkar» (2008-2011).
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal1
Kamientary