Recept ekleraŭ, jakija možna zrabić jak sałodkimi, tak i salonymi: z tamatami i salami 

Ciesta, jakoje vykarystoŭvajecca dla ekleraŭ, nazyvajecca zavarnym, bo dla jaho pryhatavańnia my zavarvajem muku z haračaj vadkaściu. Zbolšaha zavarnoje ciesta atrymlivajecca navat u pačatkoŭcaŭ u kulinarnaj spravie, ale ŭ jaho hatavańni jość svaje chitryki:

• masła dla ciesta lepiej brać vielmi vysokaj jakaści i tłustaści (82%);
• jajki treba dadavać pakajovaj tempieratury, tamu zahadzia dastańcie ich z chaładzilnika;
• muku lepš za usio vykarystoŭvać z vysokim utrymańniem białku (bolš za 11 h na 100 h muki.), tak budzie bolš imavierna pazbavicca razryvaŭ u cieście.

U pryhatavańni ekleraŭ vy napoŭnicu zmožacie vykarystać svaju fantaziju: kolkaść varyjantaŭ kremaŭ i pamadak amal biaskoncaja. Nižej vy znojdziecie recept kremu z maskarpone, jaho ž ja vykarystoŭvała dla azdableńnia eklera.

Ale pamiatajcie, što hetaja strava padydzie i dla tych, chto nie lubić desierty. Prosta zrabicie zakusačnyja eklery: naprykład, z salami i tamatami.

Dla ciesta:

• 125 hr. małaka;
• 125 hr. vady;
• 110 hr. masła;
• 150 hr. muki;
• 5 hr. soli;
• 5 hr. cukru;
• 4—5 jajek.

U satejnik nalivajem małako z vadoj, dadajom kavałački masła, cukar i sol. Stavim na ahoń i čakajem, pakul usio masła rastanie. Prybirajem satejnik z ahniu i dadajom muku. Dobra pieramiešvajem i znoŭ stavim na siaredni ahoń, na chvilinki 2. Uvieś čas pieramiešvajem masu: jana pavinna skačacca ŭ šar. Zdymajem z ahniu i zusim trochi dajom astyć.

4 jajki ŭźbivajem i dadajom patrochu da ciesta, kožny raz dobra pieramiešvajučy. Hladzim na kansistencyju: ciesta pavinna sychodzić z łapatki stužkaj. Kali jano jašče davoli tuhoje, to dadajom 5-je jajka, ale vielmi akuratna, ledźvie nie pa kroplach.

Hatovaje ciesta pierakładajem u kandytarski miašok. Adsadžvajem na pierhamient pałosački ciesta (prykładna 14 sm). Lepš za ŭsio heta rabić nasadkaj z zubčykami. Kali takoj niama, to možna zrabić pałosački na eklerach videlcam. Zmazvajem eklery jajkam, źmiašanym z vadoj.

Zapiakajem pry 200 hradusach 15—20 chvilin (sačycie za koleram i suchaściu eklera). Astudžajem eklery pierad načynieńniem.

Dla kremu:

• 250 h maskarpone;
• 300 h tłustych viarškoŭ (33%);
• 140 h zhuščanaha małaka;
• niekalki kropiel vanilnaj esencyi.

Źmiešvajem maskarpone i zhuščonku. Dadajom viarški i vanil, uźbivajem miksieram prykładna 5 chvilin. Krem pavinien stać hustym i dobra trymać formu.

Pavialičyć

Eklery možna načynić dvuma sposabami:

1) adrezać viarchušku i načynić;

2) načynić z dapamohaj kandytarskaha miaška i śpiecyjalnaj nasadki.

Źvierchu azdablajem kremam ci, naprykład, pamadkaj.

Dla pamadki:

• 1,5 st. ł. kakavy-parašku;
• 1 st. ł. cukrovaj pudry;
• 30 h masła;
• 2 st. ł. małaka.

U satejniku raspuskajem masła, dadajom cukrovuju pudru. Pieramiešvajem, pakidajem na ahni niedzie na adnu chvilinu. Tym časam dobra źmiešvajem małako z kakavaj-paraškom, kab nie zastałosia kamiakoŭ. Tonkim strumieńčykam dadajom małako z kakavaj da cukrova-maślanoj masy, dobra źmiešvajem. Varym da zahuścieńnia.

Pavialičyć

• 0
• 0
• 0
• 0
• 0
• 0
• 0
• 0