Centr daśledavańniaŭ hienacydu i rezistencyi (supracivu) žycharoŭ Litvy abviaściŭ ab pačatku publikacyi dakumientaŭ pra złačynstvy Čyrvonaj armii na terytoryi Litvy, paviedamlaje Delfi.
Dakumienty publikujucca na sajcie kgbveikla.lt. 30 žniŭnia na hetym partale źjaviłasia rubryka pad nazvaj «Represiŭnyja dziejańni ŭładaŭ akupacyjnaha režymu».
U rubrycy publikujucca dakumienty roznych viedamstvaŭ i arhanizacyj — Kamunistyčnaj partyi, Čyrvonaj armii, MUS i inšych ab ich represiŭnych i prymusovych dziejańniach. Byli apublikavanyja dakumienty ab dziejnaści Čyrvonaj armii ŭ Litvie ŭ 1944-1949 hadach, u budučyni płanujecca pašyryć chranałahičnyja miežy.
U dakumientach utrymlivajecca infarmacyja pra toje, jak paśla prychodu savieckich vajskoŭcaŭ u Kłajpiedski i Šyłuckaj abłaściach pačalisia pavalnyja zhvałtavańni žančyn niezaležna ad ich nacyjanalnaści abo ŭzrostu.
Hvałtavali i 70-hadovych starych, i 14-hadovych dziaŭčynak — navat u prysutnaści baćkoŭ», — pryvodzić vydańnie vytrymku z relizu Centra.
U dakumientach taksama apisana stralba pjanych savieckich sałdat, u vyniku jakoj zahinuli ludzi, padpały siadzibaŭ, rabavańnie žycharoŭ i inšyja złačynstvy.
Pačatak apublikavańnia dakumientaŭ prymierkavany da hadaviny vyvadu rasijskich vojsk ź Litvy. Častki Čyrvanaściažnaj Paŭnočna-Zachodniaj hrupy vojskaŭ pakinuli krainu 31 žniŭnia 1993 hoda.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary