Prezident Francyi Emaniuel Makron u intervju šviedskamu telekanału SVT raspavioŭ pra svajo staŭleńnie da Uładzimira Pucina. Kiraŭnik dziaržavy pryznaŭsia, što pavažaje jaho jak lidara, adnak ličyć, što jon maryć pra razvał ES.
«Ja pavažaju Uładzimira Pucina, i ja źjaŭlajusia adnym z tych, chto ličyć, što my pavinny razam z Rasijaj vybudavać novuju architekturu biaśpieki — my majem patrebu ŭ padobnaj dyskusii razam z Rasijaj. Ale mara Uładzimira Pucina — demantaž Jeŭrasajuza», — skazaŭ prezident Francyi.
Adkazvajučy na pytańnie pra mahčymaść vychadu Šviecyi ź ES, Makron padkreśliŭ, što nie bačyć budučyni hetaj krainy pa-za jeŭrapiejskaj sistemaj kaštoŭnaściaŭ. Viadučaja prahramy raspaviała prezidentu Francyi pra incydent na šviedskim radyjo, kali lidaru partyi Šviedskija demakraty prapanavali zrabić vybar pamiž Uładzimiram Pucinym i Makronam. Dziejač admoviŭsia nazvać palityka, jakoha jon by abraŭ u jakaści aryjenciru.
«Ja dumaju heta kaža pra mnohaje. Heta značyć, što hety lidar nie viedaje toje, u jakim paradku pavinny iści kaštoŭnaści i palityčnyja intaresy. Heta śviedčyć ab tym, što hety čałaviek nie moža pravieści adroźnieńnie pamiž takoj krainaj jak Francyja, — krainaj, jakaja pavažaje pravy čałavieka, členam ES, — i, ź inšaj krainy, lidaram krainy, nie hetak prasunutaj u pytańni pravoŭ čałavieka. Jaho kraina [Rasija] nie moža stać uzoram dla Šviecyi», — skazaŭ Makron.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ29
Kamientary