Supracoŭniki rasijskaj Fiederalnaj słužby biaśpieki (FSB) pryjechali ŭ «Danieckuju narodnuju respubliku», kab dapamahčy ŭ rasśledavańni zabojstva kiraŭnika DNR Alaksandra Zacharčanki. Pra heta paviedamiŭ kiraŭnik słužby apieratyŭnaj infarmacyi i mižnarodnych suviaziaŭ FSB Siarhiej Biasieda.
U śpiecsłužbie prytrymlivajucca viersii pra toje, što da zabojstva datyčnyja ŭkrainskija śpiecsłužby, dadaŭ jon. Kryminalnuju spravu ab hibieli Zacharčanki zavioŭ Śledčy kamitet Rasii pa artykule ab mižnarodnym teraryźmie.
Zacharčanka zahinuŭ 31 žniŭnia ŭ vyniku vybuchu ŭ kafe «Siepar» u centry Daniecka. Daradca kiraŭnika DNR Alaksandr Kazakoŭ zajaviŭ, što bombu zakłali nad dźviaryma ŭstanovy i pryviali jaje ŭ dziejańnie dystancyjna, kali Zacharčanka zajšoŭ.
«Kommiersant» sa spasyłkaj na krynicy napisaŭ, što bomba znachodziłasia ŭ taršery ci lustry ŭ kafe i jaje padarvali telefonnym zvankom. Surazmoŭca haziety kazaŭ, što zakłaści jaje mahli tolki pry dapamozie «svaich» ludziej, bo ŭstanova naležała načalniku achovy Zacharčanki i staranna achoŭvałasia, bo ŭ im časta byvali vysokapastaŭlenyja hości.
Staršynia «narodnaha savieta» DNR Dzianis Pušylin uskłaŭ adkaznaść za śmierć Zacharčanki na Kijeŭ i paabiacaŭ «adpomścić». Pradstaŭnik MZS Rasii Maryja Zacharava zajaviła, što jość padstavy mierkavać, što za zabojstvam staić kiraŭnictva Ukrainy.
U Słužbie biaśpieki Ukrainy vykazali dźvie viersii zabojstva Zacharčanki — unutranyja razborki ŭ rehijonie abo dziejnaść rasijskich śpiecsłužbaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary