RPC pahražaje Kanstancinopalu razryvam adnosinaŭ z-za «ŭkrainskaha pytańnia»
Ruskaja pravasłaŭnaja carkva (RPC) ličyć, što dypłamatyja vyčarpała siabie ŭ dyjałohu pa «ŭkrainskim pytańni» sa Suśvietnym patryjarchatam Kanstancinopala. Ab hetym kiraŭnik sinadalnaha adździeła zamiežnych carkoŭnych suviaziaŭ mitrapalit Iłaryjon zajaviŭ u efiry telekanała «Rasija-24».
Jon raspavioŭ padrabiaznaści pajezdki patryjarcha Kiryła ŭ Stambuł da Kanstancinopalskaha patryjarcha Varfałamieja. «Vonkava heta była całkam cyvilizavanaja, vietlivaja i navat braterskaja hutarka. Ale, na žal, kanstancinopalski bok nie tolki nie pačuŭ našy arhumienty, ale navat pastupiŭ, z našaha punktu hledžańnia, podła i vierałomna», - paviedamiŭ mitrapalit.
Iłaryjon adznačyŭ, što kali Kanstancinopal «daviadzie svoj padstupny płan pa pradastaŭleńni aŭtakiefalii [Ukrainie], heta značyć, što aŭtakiefaliju atrymaje hrupa raskolnikaŭ». «Kananičnaja carkva hetuju aŭtakiefaliju nie prymie, my ŭ Ruskaj carkvie viadoma hetuju aŭtakiefaliju nie pryznajem, i ŭ nas nie budzie inšaha vyjścia, akramia jak razarvać adnosiny z Kanstancinopalem», — zajaviŭ jon.
8 vieraśnia sinod RPC vystupiŭ z admysłovaj zajavaj z nahody pryznačeńnia va Ukrainu dvuch kanstancinopalskich ekzarchaŭ - pradstaŭnikoŭ patryjarcha Varfałamieja. Takija dziejańni ŭ RPC nazvali pahrozaj adzinstvu ŭsiaho suśvietnaha pravasłaŭja.
Apytanka
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary