Šakucin padabraŭ jašče adnaho zvolnienaha top-čynoŭnika
Eks-ministar lasnoj haspadarki Michaił Amieljanovič staŭ namieśnikam hieneralnaha dyrektara pa vytvorčaści i jakaści chołdynhu «Amkador», piša Radyjo Svaboda.
U pres-słužbie chołdynhu karespandentu Svabody skazali, što Amieljanovič zaniaŭ hetuju pasadu «zusim niadaŭna» i jaho źjaŭleńnie ŭ «Amkadory» «zusim lahičnaje».
«Suviaź jaho z «Amkadoram» lahičnaja i vielmi pramaja. My ź Ministerstvam lasnoj haspadarki zaŭsiody pracavali ŭ ciesnym kantakcie. A kali Amieljanovič zajmaŭ pasadu ministra, była stvorana sumiesnaja rabočaja hrupa «Amkadora» i ministerstva, bo ŭ lasnych haspadarkach taksama pracuje naša technika», — skazaŭ pres-sakratar Alaksandar Malinoŭski.
Amieljanoviča zvolnili za pravał u baraćbie z karupcyjaj
Kiraŭnik Biełarusi Alaksandar Łukašenka zvolniŭ Michaiła Amieljanoviča z pasady ministra lasnoj haspadarki jašče 15 lutaha za «niepryniaćcie dziejsnych zachadaŭ u baraćbie z karupcyjaj i ekanamičnymi pravaparušeńniami ŭ padviedamasnych arhanizacyjach». Ad taho času pra los Michaiła Amieljanoviča ničoha nie było viadoma.
***
Michaił Amieljanovič — daloka nie pieršy top-čynoŭnik, jaki paśla adstaŭki ź dziaržaŭnaj słužby ŭładkavaŭsia ŭ biznes-strukturach Alaksandra Šakucina.
U pryvatnaści, pieršym namieśnikam hienieralnaha dyrektara «Amkadora» stanaviŭsia Siarhiej Tkačoŭ, eks-pamočnik Alaksandra Łukašenki. Byłaja namieśnica kiraŭnika Administracyi prezidenta Natalla Piatkievič uznačaliła turystyčnuju kampaniju «Šanter».
U strukturach Šakucina pracavali były kiraŭnik BRSM Alaksandr Nachajenka, były vice-mer Minska Siarhiej Radaman, były hienieralny dyrektar MAZa Mikałaj Kaścień, były ministr transparta Ivan Ščerba.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary