Vosy pakusali dziaciej u žyłym rajonie Słucka. Zdareńnie adbyłosia ŭviečary 16 vieraśnia kala doma № 60 pa vulicy 14 Partyzan u Słucku
Jak raspaviali sajtu SlutskGorod vidavočcy, u dvary doma dzieci hulali ź miačom, i ŭ niejki momant miač zvaliŭsia ŭ draŭlany kałodziež. Kali dzieci pasprabavali dastać miač, ich atakavaŭ roj vosaŭ.
— U kałodziežy byŭ pień ad staroha vialikaha dreva. Napeŭna, vosy pasialilisia na im, - vykazała zdahadku miascovaja žycharka.
Sa słoŭ vidavočcaŭ, vosy pakusali jak dziaciej, tak i ludziej, jakija prosta prachodzili mima. Adzin mužčyna pačaŭ akazvać dapamohu - dastavaŭ nasiakomych z vałasoŭ maleńkich dziaŭčynak.
- Pryjechała chutkaja. Rabili ŭkoły. Niejkaja žančyna navat straciła prytomnaść. Usich zabrali i pavieźli ŭ balnicu. MNS pryjechała: niščać hety pień, palivajuć bienzinam i spalvajuć, - paviedamiła miascovaja žycharka.
Pakul aficyjnych kamientaroŭ niama.
Nahadajem, na minułym tydni paśla ŭkusaŭ vos u vioscy Mialeški Słuckaha rajona pamierła 63-hadovaja piensijanierka.
Kamientary