U Piekinie 17 vieraśnia ŭ chodzie zaklučnaha raunda składanych i praciahłych pieramovaŭ z kansorcyumam kitajskich pakupnikoŭ (Sinochem, CNAMPGC, CNOOC) delehacyja Biełaruskaj kalijnaj kampanii na čale z hienieralnym dyrektaram BKK Alenaj Kudraviec damoviłasia ab kantraktnaj canie pamieram 290 dalaraŭ za tonu na ŭmovach CFR na pastaŭku kaliju ŭ Kitaj pa červień 2019 hoda ŭklučna.
Jak paviedamiła pres-słužba BKK, bakam udałosia dasiahnuć damoŭlenaści, jakaja ŭ poŭnaj miery adpaviadaje isnujučym na suśvietnym kalijnym rynku pavyšalnym cenavym tendencyjam.
Cana pa papiarednim kitajskim kantrakcie była prykmietna nižejšaja — 230 dalaraŭ za tonu. Ekśpierty adznačajuć, što ŭpieršyniu košt kitajskaha kantraktu roŭny indyjskamu, padpisanamu ŭ žniŭni. Tradycyjna Kitaj kuplaŭ pradukcyju pa bolš nizkaj canie.
«Pahadnieńnie ab canie kitajskaha kantraktu, niesumnienna, źjaŭlajecca čarhovym pazityŭnym sihnałam dla kalijnaj haliny. Heta dobraja cana, i my ŭpeŭnienyja, što taki ŭzrovień dapamoža zabiaśpiečyć dalejšaje pastupalnaje raźvićcio jak rynku KNR, tak i suśvietnaha rynku ŭ cełym», - adznačyła Alena Kudraviec.
Pahadnieńnie ab canie kitajskaha kantraktu maje stratehičnaje značeńnie, bo Kitaj — najbujniejšy spažyviec kaliju ŭ śviecie, a isnujučaja ŭ Kitai kantraktnaja sistema pastavak akazvaje istotny ŭpłyŭ na raźvićcio suśvietnaha rynku minieralnych uhnajeńniaŭ.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary