Prezident ZŠA Donald Tramp vystupiŭ na 73-j siesii Hienasamblei AAN. Jon zakranuŭ šmat pytańniaŭ źniešniaj palityki, siarod jakich vyłučylisia zajavy ab baraćbie z sacyjalizmam, cenach na naftu, i rasijska-niamieckich adnosinach.
Baraćba z sacyjalizmam:
«Litaralna ŭsiudy, dzie sprabavali pabudavać sacyjalizm ci kamunizm, heta viało da pakut, karupcyi i zaniapadu. Praha da ŭłady sacyjalistaŭ pryvodzić da ekspansii, uvarvańniaŭ i pryhniotu. Usie krainy śvietu pavinny supraciŭlacca sacyjalizmu i niahodam, jakija jon niasie», — zajaviŭ Tramp.
Ceny na naftu:
«My chočam, kab jany [APIEK] spynili padymać ceny. My chočam, kab jany pačali źnižać ceny na naftu. My nie budziem bolš mirycca z hetymi žudasnymi cenami», — skazaŭ amierykanski lidar.
Rasijska-niamieckija adnosiny:
Tramp zajaviŭ, što prajekt hazapravoda «Paŭnočny patok — 2» zrobić Hiermaniju całkam zaležnaj ad rasijskaj enierhii.
«Kali Hiermanija nie źmienić kurs, jana stanie całkam zaležnaj ad Rasii», — skazaŭ amierykanskaj lidar. Taksama jon padziakavaŭ Polščy za budaŭnictva bałtyjskaha hazapravoda. «My ŭdziačnyja Polščy za budaŭnictva bałtyjskaha hazapravoda, jaki nie daść Jeŭropie stać zaležnaj ad Rasii», — zaŭvažyŭ Tramp.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary