Biełaruski kreatyŭščyk Jura Kuźniacoŭ, jaki pracuje ciapier u Kijevie ŭ Banda Agency ŭ jakaści art-dyrektara, źniaŭ na iPhone6 trynaccać hareźlivych rekłamnych rolikaŭ. Jon vykładvaŭ ich adzin za adnym na svajoj staroncy ŭ FB, nazyvajučy ŭsio heta «inśpirejšnł tryp #13tupychrolikaŭ». Piša marketing.by.
Voś jak Jura abhruntavaŭ svoj čelendž: «Zrablu #13tupychrolikaŭ za vierasień, heta try roliki na tydzień. Treba pieramahčy pierfiekcyjanizm i raźvić akciorskaje majsterstva. Plus razabracca, što mnie bolš padabajecca: hrać, zdymać ci prydumlać.
Kožny raz vynik pieršapačatkova nie pradkazalny, bo ŭsio robicca chutka, i historyja składvajecca ŭ pracesie. I kali skłałasia hetaja, ja sam iržaŭ, pierahladaju rolik raz za razam. Takoje adbyłosia ŭpieršyniu za čelendž #13tupychrolikaŭ. Mahčyma, tamu, što žarty z surjoznym vyrazam tvaru samyja śmiešnyja, ci ściabacca z takoha viadomaha brenda prosta».
Za čelendžam sačyli rekłamisty Ukrainy i Biełarusi i niaźmienna ŭznaharodžvali Juru masaj łajkaŭ. Atrymałasia fajna! Budźcie hatovyja śmiajacca.
Kamientary