Historyja ŭspłyła paśla pravierki adnaho ź sielskahaspadarčych pradpryjemstvaŭ rajona.
«Rabotniki finansavaj milicyi vyśvietlili, što pieršy namieśnik staršyni Ušackaha rajvykankama rasparadziŭsia skraści byčka ź fiermy. Jon nabyŭ vakcynu dla ŭsypleńnia žyvioły, pieradaŭ jaje słužbovym asobam sielhaspradpryjemstva, raspracavaŭ płan vyvazu byčka ź fiermy i dastaŭki jaho ŭ pryvatnuju sialanskuju fiermierskuju haspadarku Ušackaha rajona», — raskazvaje padrabiaznaści Kamitet dziaržkantrolu.
Pieršy namieśnik Ušackaha rajvykankama — heta Alaksandr Ioskin, jaki adkazvaŭ za sielskuju haspadarku i charčavańnie.
Dla svajoj śpiecapieracyi čynoŭnik vykarystaŭ supracoŭnikaŭ sielhaspradpryjemstva. Zahadčyca fiermy padbirała byčka i kantralavała jaho dastaŭku, vieterynar usypiŭ žyviołu, kiroŭca advioz «kudy treba».
Košt byčka acanili na 1000 rubloŭ. Na ŭsiu kampaniju zaviali kryminalnyja spravy za kradziež z vykarystańniem słužbovych paŭnamoctvaŭ hrupaj asobaŭ. Pakarańnie — ad 2 da 7 hadoŭ pazbaŭleńnia voli.
Niepasredna na čynoŭnika taksama zaviali spravu za pieravyšeńnie słužbovych paŭnamoctvaŭ. Ciapier jon pad vartaj. Za niaŭdały kradziež byčka jamu pahražaje da 10 hadoŭ.
Ciapier abaviazki Ioskina vykonvaje inšy čynoŭnik.
Cikava, što, mahčyma, historyja jašče nie skončyłasia — finansavaja milicyja šukaje jašče 70 hałoŭ bydła, jakija źnikli z taho ž sielhaspradpryjemstva.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary