U Barsiełonie pamierła suśvietna viadomaja opiernaja śpiavačka Mantsierat Kabalje, paviedamlaje El Pais. Joj było 85 hadoŭ. Mantsierat Kabalje znachodziłasia ŭ špitali ź siaredziny vieraśnia.
Pa infarmacyi vydańnia, pachavańnie Kabalje adbudiecca ŭ paniadziełak, 8 kastryčnika. Napiaredadni, u niadzielu, projdzie cyrymonija raźvitańnia.
Kabalje naradziłasia 12 krasavika 1933 ŭ Barsiełonie, u 1954 hodzie skončyła navučańnie ŭ kansiervatoryi pry barsiełonskim teatry Lisiea. Za čas svajoj artystyčnaj karjery Kabalje, jakaja prafiesijna debiutavała ŭ 1956 hodzie, dała bolš za 4 tysiačy vystupleńniaŭ, stała adnoj z samych znakamitych suśvietnych opiernych zorak svajho času. U jaje repiertuary było 88 rolaŭ i bolš za 800 kamiernych tvoraŭ.
U 1987 hodu artystka sumiesna ź lidaram hurta Queen Fredzi Merkjury zapisała pieśniu Barcelona, jakaja praz hod uvajšła ŭ adnajmienny albom dueta. «Kali ja ŭ maładości varjacieła ad Beatles, dyk čamu b mnie nie praśpiavać ciapier z Merkjury?..» — kazała Kabalje. Płanavałasia, što artysty vykanajuć pieśniu na adkryćci letniaj Alimpijady 1992 hoda ŭ Barsiełonie, ale Merkjury pamior u listapadzie 1991 hoda, i prymadona admoviłasia vykonvać chit z kim-niebudź jašče.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie25
Kamientary