Pryznačanaja data sudu nad chłopcam. Sudzić chłopca budzie Natalla Vajciachovič, a nie Valery Jeśman.
Sud nad moładzievym aktyvistam Alaksandram Barazienkam pačniecca 8 śniežnia (paniadziełak) u Centralnym sudzie stalicy. Sudzić chłopca budzie Natalla Vajciachovič. Raniej paviedamlałasia, što praces budzie vieści Valery Jeśman, jaki akazaŭsia datyčny da karupcyjnych złačynstvaŭ.
Alaksandar Barazienka apošni fihurant «pracesu čatyrnaccaci». Ad 27 kastryčnika jon znachodzicca ŭ SIZA na Vaładarskaha. Za kratami chłopiec pravioŭ tydniovuju haładoŭku pratestu.
Štodnia pad bramaj izalataru źbirajucca moładzievyja aktyvisty, jakija vykazvajuć salidarnaść sa źniavolenym.
U paniadziełak kamisar Eŭrasajuzu pa pytańniach mižnarodnych dačynieńniaŭ i palityki susiedztva Benita Ferera-Valdner zajaviła, što Eŭropa budzie ŭvažliva nazirać za hetym pracesam.
Kamientary