Alaksandr Łukašenka patrabuje vyraznaha zachavańnia kalehijalnaści ŭ pryniaćci rašeńniaŭ uradam. Ab hetym kiraŭnik dziaržavy zajaviŭ siońnia ŭ čas dakłada pieršaha namieśnika premjer-ministra Alaksandra Turčyna, piša BiełTA.
«Kali my abnaŭlali skład urada, my damaŭlalisia, što ŭ najbližejšy čas vy raźbiareciesia z funkcyjanalnymi abaviazkami aparata ŭrada i strukturaj, — adznačyŭ jon — Ja prasiŭ vas zaniacca hetym pytańniem — vy kiravali aparatam urada. Kamu, jak nie vam, zaraz, uličvajučy mahčymyja niedapracoŭki, niedachopy ŭ arhanizacyi raboty ŭrada ŭ minułym, vypravić situacyju. Chaciełasia b pačuć ad vas bačańnie niekatorych pytańniaŭ».
Łukašenka nahadaŭ, što ŭrad źjaŭlajecca kalehijalnym orhanam, rašeńni tam prymajucca kalektyŭna, i heta pavinna śviata vykonvacca. «Hetamu ja nadaju vialikuju ŭvahu — stylu pracy ŭrada», — padkreśliŭ jon.
Alaksandr Łukašenka adznačyŭ, što jamu pastupajuć niekatoryja sihnały, što ŭrad bačyć svaju pracu tak: jon budzie zajmacca stratehijaj, a nie paŭsiadzionnymi spravami. «Urad budzie zajmacca nie tolki vypracoŭkaj stratehii. Heta, darečy, nie vaša prerahatyva, stratehija ŭ nas vypracavana, jana vyznačajecca prezidentam, unosicca na hałasavańnie na prezidenckich vybarach i zaćviardžajecca Usiebiełaruskim narodnym schodam, — adznačyŭ kiraŭnik dziaržavy. — Ci mahčymyja dzieści karekciroŭki, ŭradu nichto nie zabaraniaje ŭnosić źmieny pa karekciroŭcy. Ale rašeńnie prymaje prezident».
Kamientary