Alaksandr Łukašenka siońnia na sustrečy z aktyvam Biełaruskaha respublikanskaha sajuza moładzi raskazaŭ, čamu tak daražyć hetaj arhanizacyjaj.
Kiraŭnik dziaržavy skazaŭ, što ŭ jaho časta cikaviacca, čamu jon takuju ŭvahu ŭdzialaje raźvićciu ŭ krainie maładziožnaha ruchu.
«Skažu vam upieršyniu i adkryta toje, ab čym ja havaryŭ u samym vuzkim asiarodździ. Ja zaŭsiody havaru prahmatyčna: a kali zaŭtra sa strelbaj daviadziecca paŭstać na abaronu svajoj Radzimy? Ja, jak hałoŭnakamandujučy, chiba ž abydusia tolki toj strukturaj i sistemaj, jakaja stvorana va Uzbrojenych Siłach i milicyi? Nie. Nam daviadziecca razdać kožnamu, pierš za ŭsio mužyku, dy i dziaŭčynie, zbroju, kab abaranić, nu dobra, nie Radzimu, siabie i svaju siamju, svaich dziaciej», - adznačyŭ jon.
«Raptam, nie daj boh, kanflikt, vajna — jakija ty struktury zadziejničaješ? Jak było ŭ Vialikuju Ajčynnuju vajnu? Kamunisty, kamsamolcy napierad. Tamu što była mocnaja partyjnaja arhanizacyja, dziaržaŭnaja ŭłada ŭ joj była skancentravana, i maładziožnaja arhanizacyja. Ludzi žyli, vajavali, hinuli i prynieśli nam Pieramohu, - źviarnuŭ uvahu kiraŭnik dziaržavy. - Hetu strukturu ŭ ciažkuju, niachaj navat nie vajennuju minutu kiraŭnik dziaržavy (nie budzie mianie, budzie niechta inšy), urad zmohuć zadziejničać. Heta kałasalny rezierv, jaki siońnia stvorany».
Kiraŭnik dziaržavy padkreśliŭ, što sajuz moładzi pavinien funkcyjanavać jak hadzińnik - ad pieršaha sakratara da piarvičnaj jačejki. «Kali hetaha ŭ vas nie budzie, ličycie, što vy padmanuli mianie, narod i daremna patracili hrošy, niachaj navat nievialikija. Hety kaściak pavinien dziejničać, i tady ŭ ciažkija pieryjady ja mahu zadziejničać mnohija ryčahi dla taho, kab mabilizavać krainu. Viadoma, hałoŭny kaściak - heta orhany ŭłady, — zaŭvažyŭ Alaksandr Łukašenka. - Ale spyniacca nielha, treba ŭdaskanalvacca, tamu što zadziejničać strukturu na poŭnuju moc možna tolki tady, kali vy budziecie mieć vialiki aŭtarytet u moładzi, navat u toj, jakaja nie budzie členami vašaha sajuza».
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary