U restaracyju ŭ Kurapatach pryjechali ahresiŭnyja hości: napali na aktyvista i «cichara»
Kala mienskaj restaracyi «Pojediem pojedim» znoŭ zdaryŭsia kanflikt, raskazaŭ Svabodzie adzin ź lideraŭ abaroncaŭ Kurapataŭ Pavał Sieviaryniec. Pavodle jaho, hości suzasnavalnika restaracyi Leanida Zajdesa parvali kurtku aktyvistu Dzianisu Ŭrbanoviču, dastałasia i «čałavieku ŭ cyvilnym». Mocna nichto nie paciarpieŭ.
«Siońnia ŭ restaracyju pryjechaŭ Leanid Zajdes, i da vośmaj viečara da jaho padciahnulisia hości, kala siami mašynaŭ, — kaža Svabodzie Pavał Sieviaryniec. — Byli tyja, chto braŭ buklety i prajaždžaŭ na terytoryju restaracyi. Ale byli i tyja, chto pavodziŭ siabie hruba i nachabna. Kidalisia na abaroncaŭ Kurapataŭ.
Adna žančyna tut zusim nieadekvatnaja, kidałasia ŭ tym liku na milicejskaha aperatara, sprabavała vyrvać u jaho kameru. Druhaja kryčała: «Moj dzied słužyŭ u NKVD! Tak, ja pryjechała siudy». Jana pryviała z saboj dvuch dziaciej. Demanstratyŭna pryjaždžajuć i sprabujuć niejkuju pravakacyju naładzić».
DAI, kaža Sieviaryniec, pryjechała składać pratakoły na abaroncaŭ Kurapataŭ. Ale jon spadziajecca, što adkazać pryjdziecca i naviednikam, bo ichnyja dziejańni filmavała i milicyja. Sieviaryniec adznačaje: numary na mašynach — «adny dziaviatki». Maŭlaŭ, «vidavočna, što niejkija błatnyja».
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ6
Kamientary