Za niavypłatu dziaržpošliny za dopusk da ŭdziełu ŭ darožnym ruchu štrafaŭ nie budzie. Ale buduć sankcyi — parušalnikam prapanujuć vystaŭlać zbor u dvuchrazovym pamiery. Pra heta zajaviŭ ministr finansaŭ Biełarusi Maksim Jermałovič ŭ efiry telekanała «Biełaruś 1».
Pavodle słovaŭ kiraŭnika Minfina, «darožny padatak» nie budzie źjaŭlacca padatkovym płaciažom, «heta budzie płata za dopusk da darožnaha ruchu», i jon nie budzie pryviazany da techahladu.
— Heta zusim vyklučaje prymianieńnie jakich-niebudź štrafaŭ da płacielščyka za niavypłatu hetaha zboru, ale ŭsio roŭna adkaznaść i sankcyi za niavypłatu hetaha płaciažu praduhledžany.
Jak paviedamiŭ Maksim Jermałovič, praduhledžvajecca vypłata zboru na pieryjad pačynajučy z adnaho miesiaca. Hramadzianin vypłačvaje hety płaciož praź sistemu ARIP u biudžet, i paśla hetaha atrymlivaje prava ekspłuatavać transpartny srodak, h.zn. karystacca darožnaj infrastrukturaj. Pamier zboru budzie raźličvacca aŭtamatyčna samoj sistemaj na padstavie dadzienych ab transpartnym srodku. Infarmacyja ab vypłacie budzie pieradavacca adpaviednym strukturam, usim zacikaŭlenym dziaržaŭnym orhanam.
— I budzie ažyćciaŭlacca kantrol. Kali buduć vyjaŭleny fakty niavypłaty zboru, tady ŭ pavyšanym pamiery, u dvuchrazovym pakul prapanujecca, hetaja płata budzie vystaŭlacca fizičnaj asobie. Sistema kantrolu — jana ŭsio roŭna zachoŭvajecca, i praduhledžvaje zusim novy paradak, novy ŭzrovień kantrolu, u tym liku z vykarystańniem sistem fotafiksacyi i videanazirańnia, jakija buduć fiksavać vykarystańnie transpartnaha srodku biez vypłaty hetaha zboru.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary