Z 2007 hoda 5 listapada pa ŭsim śviecie Mižnarodnaja fiederacyja žurnalistaŭ pravodzić kampaniju «Staniem za žurnalistyku», kab pryciahnuć uvahu da hałoŭnych pahrozaŭ, ź jakimi sutykajucca kalehi.
Hałoŭnaj pahrozaj u Biełarusi sioleta stała zaviadzieńnie kryminalnych spraŭ suprać viadomych žurnalistaŭ i redaktaraŭ niedziaržaŭnych miedyja.
7-9 žniŭnia ŭ redakcyjach TUT.BY, infarmahienctva BiełaPAN, inšych ŚMI, a taksama ŭ kvaterach žurnalistaŭ prajšli vobšuki.
Byli zatrymanyja hałoŭny redaktar TUT.BY Maryna Zołatava, redaktary partała: Hanna Kałtyhina, Halina Ułasik i Hanna Jarmačonak, hałoŭny redaktar BiełaPAN Iryna Leŭšyna i mižnarodny ahladalnik BiełaPAN Taćciana Karaviankova, ułasny karespandent Deutsche WellePaŭluk Bykoŭski, redaktar sajta haziety «Biełorusy i rynok» Alaksiej Žukaŭ.
Usie jany praviali niekalki sutak u izalatary časovaha ŭtrymańnia. Paśla vyzvaleńnia bolšaści padazravanych byŭ zabaronieny vyjezd z krainy.
Śledčy kamitet padazraje žurnalistaŭ u tym, što jany ažyćciaŭlali niesankcyjanavany dostup da kampjutarnaj infarmacyi dziaržaŭnaha infarmahienctva BiełTA. Niezaležnyja analityki pierakananyja: «sprava BiełTA» — sproba ŭładaŭ zapałochać i ŭziać pad kantrol hałoŭnyja niedziaržaŭnyja internet-miedyja.Žurnalistam pahražajuć štrafy i navat turemnyja terminy.
Tamu siońnia my vykazvajem salidarnaść ź imi i patrabujem ad uładaŭ Biełarusi nieadkładna spynić pieraśled!
5 listapada — Staniem za žurnalistaŭ!
Dałučajsia da kampanii i ty — padzialisia infarmacyjaj i vykažy salidarnaść na svaim resursie ci ŭ svajoj sacyjalnaj sietcy!
Kamientary