Prezident Ukrainy Piatro Parašenka zajaviŭ, što rasijskaj carkvie niama čaho rabić va Ukrainie i zaklikaŭ jaje pradstaŭnikoŭ viartacca nazad u Rasiju, paviedamlaje Ukrainskaja praŭda.
Pra heta jon zajaviŭ 7 listapada na mižnarodnaj kanfierencyi «Uroki hibrydnaha dziesiacihodździa: što treba viedać dla paśpiachovaha ruchu napierad».
Pa słovach Parašenki, paśla praviadzieńnia Sabora i abrańnia kiraŭnika aŭtakiefalnaj Ukrainskaj pravasłaŭnaj carkvy Ukrainskaja carkva atrymaje sapraŭdnuju niezaležnaść.
«Ukraina i ja vyrazna padzialajem pryncyp nie ŭmiašańnia dziaržavy ŭ carkoŭnuju dziejnaść, asabliva zamiežnaj dziaržavy», — skazaŭ jon.
Parašenka pracytavaŭ prezidenta Rasii Uładzimira Pucina i zajaviŭ, što, pa słovach Pucina, RF trymajecca na dvuch słupach — Ruskaj pravasłaŭnaj carkvie i jadziernaj zbroi.
Prezident Ukrainy nazvaŭ nienarmalnym toj fakt, što ŭ Kramli źbirali Radu biaśpieki Rasii na čale z Pucinym, kab abmierkavać, jak abaranić RPC va Ukrainie.
«Darahija maje, vam tut niama čaho rabić. Niama čaho rabić vašaj carkvie, niama čaho rabić vašym uzbrojenym siłam, niama čaho rabić vašamu ŭzbrajeńniu. Dadomu, u Rasiju», — reziumavaŭ Parašenka.
Taksama Parašenka paraŭnaŭ źjaŭleńnie va Ukrainie niezaležnaj carkvy z abviaščeńniem 27 hadoŭ tamu niezaležnaści krainy.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary