Śledčyja vyśviatlajuć pryčyny hibieli mužčyny, čyjo cieła 9 listapada znajšli ŭ jamie dla adchodaŭ u adnoj ź viosak Ašmianskaha rajona. Pa asnoŭnaj viersii, heta niaščasny vypadak, paviedamlaje Tut.by sa spasyłkaj na pres-słužbu Upraŭleńnia SK pa Hrodzienskaj vobłaści.
Cieła 51-hadovaha mužčyny znajšoŭ jaho svajak kala pradpryjemstva AAT «Halšanski kruchmalny zavod» u jamie z adchodami vytvorčaści — žamierynami.
«Pry ahladzie bačnych cialesnych paškodžańniaŭ na ciele nie vyjaŭlena. Kala jamy znachodziŭsia voz z kaniom, jakija naležali pamierłamu », — raspavioŭ aficyjny pradstaŭnik abłasnoha USK Siarhiej Šaršanievič.
Akazałasia, u jamu hłybinioj 5 mietraŭ sistematyčna skidvajuć adchody, ale dostup da jaje nie abmiežavany. Hetym karystajucca miascovyja — sami dastajuć žamieryny i kormiać imi svojskuju žyviołu. Śledčyja ličać, što hetym ža zajmaŭsia mužčyna: pobač było viadro, a na jaho ŭčastku znajšli taru z reštkami.
Pa zaklučeńni ekśpiertyzy, pryčynaj śmierci stała ŭdušeńnie adchodami kruchmalnaj vytvorčaści; pry hetym mužčyna byŭ pjany. Asnoŭnaja viersija — niaščasny vypadak.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary