Va ŭpraŭleńni milicyi pa Murmanskaj vobłaści prajšoŭ dziciačy majstar-kłas, padčas jakoha školnikam prapanavali pieraapranucca ŭ palicejskich i aryštantaŭ. Na apošnich byli turemnyja roby, što aburyła internet-karystalnikaŭ.
Na sajcie rehijanalnaha ŭpraŭleńnia milicyi 13 listapada paviedamlajecca, što mierapryjemstva było pryśviečana prafaryjentacyi junych murmančan. U adnym z parkaŭ dla siamiejnaha adpačynku i zabaŭ, raźmieščanym u bujnym handlovym centry, arhanizatary hulni prapanavali dzieciam i ich baćkam prymieryć roznyja kaściumy.
Paśla prafiłaktyčnaj hutarki z supracoŭnikami orhanaŭ unutranych spraŭ adbyŭsia majstar-kłas pa prafiesii, jaki uklučaŭ stvareńnie fotarobataŭ i razbłytvańnie zahadak u detektyŭnym kveście. «Padletki taksama zdymali adbitki palcaŭ z pradmietaŭ i spaborničali ŭ fizičnaj padrychtoŭcy», — havorycca na sajcie, dzie pryvodziacca fatazdymki sa školnikami ŭ roli palicejskich.
Niekatoryja zdymki z sajta UMUS źnikli, ale razyšlisia pa sacyjalnych sietkach. U pryvatnaści, na adnym ź ich dzicia ŭ aryštanckaj vopratcy, jak złačyniec, z numarnoj kartkaj u rukach, a druhi školnik zdymaje jaho na telefon.
Pravierkaj zanialisia palicejskija, śledčyja i prakurory
«Murmanski vieśnik» piša, što ŭ UMUS pa vobłaści raspačata pravierka mierapryjemstva pa prafaryjentacyi dziaciej i padletkaŭ. U vypadku ŭstanaŭleńnia viny supracoŭnikaŭ palicyi jany buduć pryciahnutyja da strohaj dyscyplinarnaj adkaznaści, havorycca ŭ paviedamleńni. Pa papiarednich dadzienych, supracoŭniki palicyi nie davali kaściumy ŭdzielnikam majstar-kłasa.
Krynica ŭ pravaachoŭnych strukturach rastłumačyła, što mierapryjemstva pa prafaryjentacyi prachodziła ŭ HC, dzie pryvatnaja arhanizacyja akazvaje zabaŭlalnyja pasłuhi dla dziaciej, padajučy i mahčymaść sfatahrafavacca ŭ turemnaj vopratcy. Supracoŭniki palicyi, jakija pravodzili mierapryjemstva, tolki arhanizavali majstar-kłas i adkazali na pytańni junych naviedvalnikaŭ HC i ich baćkoŭ.
Padziejami zacikavilisia i rehijanalnyja prakurory. «Pa daručeńni prakurora vobłaści Vasila Ščarbakova arhanizavana pravierka pa raźmiaščeńni ŭ sietcy Internet fatahrafii niepaŭnaletniaha, apranutaha ŭ formu źniavolenaha, zroblenaj pad čas mierapryjemstvaŭ pa prafaryjentacyi», - havorycca na sajcie viedamstva.
Śledčy kamitet taksama pačaŭ pravierku, paviedamlajecca na sajcie rehijanalnaha kiravańnia viedamstva.
Miž tym kaardynatar Murmanskaha štaba Alaksieja Navalnaha Vijaleta Hrudzina napisała ŭ Twitter, što zdymkam dziaciej u turemnaj robie bolš za hod.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary