Ad «Troch čarapach» da «Hraj»: 60 biełaruskamoŭnych chitoŭ sučasnaści AŬDYJA
Da svajho 15-hadovaha jubileju hałoŭny muzyčny partał krainy TuzinFM.by razam z Letapis.by skłaŭ cpis piesień, bieź jakich niemahčyma ŭjavić niezaležnuju biełaruskuju muzyku. U jaho ŭvajšli 40 samych važnych biełaruskamoŭnych piesień z chit-paradu «Tuzina» (2003—2018) i jašče 20 chitoŭ za papiarednija 15 hadoŭ (1988—2003).
Rejtynh ukłali kiraŭnik TuzinFM Siarhiej Budkin i aŭtar prajektu «Mapa stanaŭleńnia Biełarusi» Alaksiej Čarankievič. Da kožnaha z 60 trekaŭ napisanaja anatacyja i historyja jahonaha stvareńnia, padabranyja vyjavy, videa i spasyłki na resursy, dzie možna bolej daznacca pra vykanaŭcu, pasłuchać i nabyć jahonyja treki. U śpis uvajšli tyja pieśni, jakija pieramahali ŭ čarcie na «Tuzinie Hitoŭ» i nazyvalisia najlepšymi pieśniami siezonu ciaham 15 hod isnavańnia partała, a taksama 20 chitoŭ za papiarednija 15 hod, bieź jakich niemahčyma ŭjavić biełaruskuju muzyku.
«Z adnaho boku heta padsumavańnie dla nas samich — u rejtynh uvajšli pieśni, jakija paŭpłyvali na nas asabista i na raźvićcio ajčynnaj sceny ŭ cełym. Na našuju zadumu, hety rejtynh taksama maje stać kropkaj uvachodu ŭ biełaruskuju muzyku dla tych, chto tolki pačynaje joj cikavicca», — zaŭvažaje Siarhiej Budkin.
«Spačatku my chacieli zrabić śpis z 15 trekaŭ, potym pašyryli jaho da 20, a pa vyniku jon razrośsia da 60 i ŭ im daloka nie ŭsio, što chaciełasia ŭklučyć. U jaho ŭvajšli pieravažna rok-chity našych muzykaŭ. Pop-vykanaŭcy, bardy, metalisty, fołk-śpievaki dy muzyki inšych kirunkaŭ, biezumoŭna vartyja asobnych rejtynhaŭ», — zaznačaje Alaksiej Čarankievič.
Prajekt «60 piesień biełaruskamoŭnych hitoŭ sučasnaści» prymierkavany da 15-hodździa internet-partału TuzinFM. Jubilej budzie adznačany kancertam «Hieroi hodu» i ŭručeńniem premii najlepšamu hurtu i najlepšamu adkryćciu 2018-ha. Kvitki na kancert možna nabyć tut
Słuchać 60 biełaruskamoŭnych chitoŭ sučasnaści možna tut.
Infarmacyja pra stvaralnikaŭ prajektu:
Prajekt TuzinFM.by («Tuzin Hitoŭ») startavaŭ u 2003 hodzie z metaju prasoŭvańnia biełaruskaj (pieradusim biełaruskamoŭnaj) muzyki. Kiraŭnik prajektu — Siarhiej Budkin. Na staronkach partału možna znajści infarmacyju pra pieśni, albomy i klipy ajčynnych vykanaŭcaŭ i firmovyja čarty, jakija pastajanna abnaŭlajucca. Akrom taho, partał samastojna i z partniorami inicyjuje i realizuje kulturnyja prajekty. Siarod samych jarkich — «Tuzin.Pierazahruzka», «Tuzin.Niemaŭla», «Radyjo Tuzin», «Zaśpiavaj», Belsat Music Live, «(Nie)rasstralanyja» dy inšyja.
Letapis.by — zbornik prajektaŭ, pryśviečanych Biełarusi i biełaruskaj kultury. Aŭtar prajektaŭ — Alaksiej Čarankievič. Pačatak isnavańnia — studzień 2016.
Kamientary