Zakleiŭ rot skotčam: u Hrodnie aktyvista pakarali za śviatkavańnie 7 listapada
26 listapada ŭ sudzie Leninskaha rajona Hrodna razhladali spravu kiraŭnika Hrodzienskaj abłasnoj arhanizacyi AHP Mikałaja Salanika. Za akcyju 7 listapada sud pastanaviŭ aštrafavać aktyvista na 35 bazavych vieličyń — 857 rubloŭ, piša Hrodna.life.
Sud pavinien byŭ prajści 22 listapada, ale nie adbyŭsia, bo Mikałaj Salanik pryjšoŭ u robie źniavolenaha i z draŭlanaj kałodkaj. U vyniku sudździa pieranios pasiadžeńnie. 26 listapada aktyvist pryjšoŭ u zvyčajnym stroi.
«Pieršy raz ja prychodziŭ tak, jak my žyviom siońnia, a druhi raz ja pryjšoŭ tak, jak by chacieŭ žyć».
Razhlad spravy adbyŭsia, ale nie biez skandału. Padčas pasiadžeńnia Salanik zamataŭ sabie rot skotčam i byŭ vydaleny z zały suda za parušeńni.
Z zały była vydalenaja i hrupa padtrymki aktyvista. Prysud Salaniku vynosiŭsia ŭ prysutnaści žurnalistaŭ i adnaho supracoŭnika milicyi. U vyniku pavodle art. 23.34, č.3 i art. 20.34 KaAP sudździa Rusłan Huryn pakaraŭ hramadskaha aktyvista štrafam na 35 bazavych vieličyń, što składaje ažno 857 rubloŭ.
Raniej, 8 listapada, toj ža sudździa Rusłan Huryn pakaraŭ hramadskaha aktyvista Alaksandra Łaŭrenćjeva na 30 bazavych vieličyń, što składaje 735 rubloŭ.
Nahadajem, 7 listapada milicyja zatrymała Mikałaja Salanika razam ź inšym členam AHP u Hrodnie Alaksandram Łaŭrenćjevym za sprobu praviadzieńnia niesankcyjanavanaha pikietu. U toj dzień Salanik i Łaŭrenćjeŭ prajšli pa centry horada z płakatam «Dołoj Samodieržavije».
«Abskardžvać prysud ja nie baču sensu, tamu što nie vieru ŭ heta zakanadaŭstva. Ja, u minułym kamunist, chacieŭ adznačyć śviata na płoščy Lenina, ale supracoŭniki milicyi mnie nie dali heta zrabić. Jany ranicaj mianie zatrymali i vypuścili tolki paśla taho, jak usio prajšło. Heta narmalna? Ja ŭ vyniku sa svaim kaleham vyjšaŭ paśla ŭsiaho z hałoŭnym łozunham revalucyi, ale byŭ zatrymany», — skazaŭ Salanik.
Za što byli zatrymanyja aktyvisty ranicaj 7 listapada, jašče da taho, jak praviali akcyju, supracoŭniki milicyi admovilisia kamientavać.
-
Viadomy praŭładny biznesmien prasiŭ Polšču źniać ź jaho zabaronu na ŭjezd u Šenhienskuju zonu
-
U Biełaruś prybyła novaja partyja rasijskich źniščalnikaŭ
-
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca1
Kamientary