Siarhiej Skrabiec znoŭ vyłučajecca ŭ prezidenty, abiacaje 200 rubloŭ za podpis
…ale tolki ŭ vypadku pieramohi.
Były deputat Pałaty pradstaŭnikoŭ, biznesmien i palitviazień Siarhiej Skrabiec zajaviŭ pra prezidenckija ambicyi.
Skrabiec užo dvojčy sprabavaŭ bałatavacca ŭ prezidenty, ale nivodnaha razu zarehistravany nie byŭ. U 2001 hodzie jahonyja podpisy pryznali niesapraŭdnymi, a ŭ 2006 hodzie Skrabiec z-za krataŭ padtrymaŭ Alaksandra Kazulina.
«Na treci raz pavinna pašancavać», — kaža jon. Jakuju ž ciapier palityčnuju siłu pradstaŭlaje Skrabiec? «Arhkamitet sacyjał-demakratyčnaj partyi Svaboda». Jon kaža, što sprobaŭ rehistracyi partyi navat nie rabili, bo niama sensu.
Apošnija hady Skrabiec tulaŭsia pa sacyjał-demakratyčnych partyjach. Byŭ namieśnikam Stanisłava Šuškieviča, potym hienieralnym sakratarom u arhkamitecie partyi Mikoły Statkieviča.
«Sa Statkievičam my razyšlisia ŭ pohladach. Ja suprać vuličnych akcyj, nie chaču padstaŭlać ludziej, ale Statkievič za ich praviadzieńnie», — adznačaje Skrabiec.
Siarhiej Skrabiec kaža, što ŭžo 15 hadoŭ biez pracy. «500 tysiač darmajedaŭ, 100 tysiač ludziej, jakim zabaronieny vyjezd za miažu — heta tyja, na kaho možna abapiercisia ŭ prezidenckaj kampanii. Ahułam pratestnaja baza składaje, pa maich padlikach, kala 3 miljonaŭ čałaviek», — kaža jon.
Palityk abiacaje płacić pa 200 rubloŭ za adzin podpis sabrany ŭ jahonuju padtrymku, ale tolki ŭ vypadku pieramohi na vybarach. «Płacić za parazy ja nie maju namieru. 10 miljonaŭ dalaraŭ nie takaja i vialikaja suma», — kaža jon.
Jakim budzie hałoŭny łozunh kampanii Skrabca? «Stabilnaść. A to łozunh taki jość, a stabilnaści niama».
Siarhiej Skrabiec naradziŭsia ŭ 1963 hodzie ŭ Lidzie. Biznesmien. Byŭ hiendyrektaram handlovaha doma «Bieł-Babajeŭskaje». Deputat Pałaty pradstaŭnikoŭ (2000 — 2004). Byŭ asudžany da 2,5 hoda źniavoleńnia za padrychtoŭku dačy chabaru. Vystupaŭ za bolšuju intehracyju z Rasijaj.
Ciapier čytajuć
Jak u halečy śpivałasia radnia Łukašenki? Małaviadomyja fakty3
Kamientary