U dziciaci tempieratura: instrukcyja, jak dziejničać — 18 punktaŭ

1. Vysokaja tempieratura sama pa sabie — nie chvaroba, heta fizijałahičnaja reakcyja arhanizma. 

2. Vysokaja tempieratura — heta kolki? Ad 38°S, niezaležna ad miesca vymiareńnia.

3. Dzie lepš mierać tempieraturu? Najbolš nadziejnym sposabam vymiareńnia tempieratury ŭ dziaciej ličycca rektalny (u pramoj kišcy). Taksama tempieraturu možna mierać na skury pad pachaj, na łbie, u rocie, u vonkavym vušnym prachodzie bieskantaktnym sposabam. 

4. Rekamiendacyi pa tym, dzie mierać tempieraturu, u roznych krainach nie supadajuć. Naprykład, Amierykanskaja akademija piedyjatryi dla dziaciej da 3 miesiacaŭ žyćcia rekamienduje vyklučna rektalnaje vymiareńnie tempieratury. U toj ža čas brytanskija lekary nie rekamiendujuć aralny i rektalny sposaby vymiareńnia tempieratury.

Ale ŭsie salidarnyja ŭ tym, što rtutnyja termomietry nie pavinny bolš užyvacca z-za patencyjnaj niebiaśpieki atručvańnia pry ich paškodžańni.

5. Tempieratura cieła ŭ dziaciej — dynamičny pakazčyk, jana mieniajecca ŭ zaležnaści ad miesca, sposabu vymiareńnia, uzrostu pacyjenta i času sutak. Takim čynam, narmalnaja tempieratura — heta nie asobnaja ličba, a dyjapazon. Tak, narmalnaj rektalnaj tempieraturaj ličycca 36,6—38,0°S, aksilarnaj 36,5—37,5°S, a ŭ vušnym prachodzie — 35,8—38,0°S. Čytajcie taksama, što napisana ŭ instrukcyi dla termomietra pra ličby narmalnaj tempieratury.

6. Vyšynia ŭzdymu tempieratury nie zaŭždy śviedčyć pra ciažkaść zachvorvańnia. 

7. Vysokaja tempieratura, navat na praciahu niekalkich hadzin, nie nanosić škody fonava zdarovym dzieciam. 

8. Pry vysokaj tempieratury važna dobra paić pacyjenta. U abiazvodžanych dziaciej tempieratura padymajecca vyšej, trymajecca daŭžej i lečycca horš. 

9. Taksama važna adekvatna dziaciej apranać. Dva słai vopratki časta zaminajuć naležnaj addačy ciapła. 

10. Kali vy zadumali čymści abcirać dzicia dla źnižeńnia tempieratury, to rabicie heta vadoj pakajovaj tempieratury, a nie śpirtam (jon usmoktvajecca praz skuru).

11. Prymianieńnie žarapanižalnych preparataŭ u fonava zdarovych dziaciej apraŭdana pry tempieratury, vyšejšaj za 39°S. Va ŭsialakim razie, raniej za 38,5°S miedykamienty, jak praviła, niemetazhodnyja. 

12. Jość tolki 2 preparaty dla źnižeńnia tempieratury ŭ dziaciej — Paracetamoł i Ibuprafien. Aśpiryn, Nimiesulid dy inšyja Dykłafienaki ŭ dziaciej nie vykarystoŭvajucca z-za imaviernaści pabočnych efiektaŭ. 

13. Efiekt ad prymianieńnia žarapanižalnaha preparatu aceńvajecca nie raniej, jak praz 40 chvilin paśla prymianieńnia.

14. Kambinavanyja preparaty paracetamołu ź ibuprafienam nie rekamiendavanyja dla dziaciej. U ich niedastatkovaja doza i adnaho, i druhoha kampanientu, a taksama niama pierakanaŭčych dadzienych pra toje, što ich prymianieńnie maje dadatkovyja pieravahi pierad užyvańniem paracetamołu ci ibuprafienu asobna. 

15. Doza žarapanižalnych preparataŭ vyličvajecca, sychodziačy z masy cieła pacyjenta, a nie jahonaha ŭzrostu. Rekamiendacyi pa mł preparatu dla dziaciej roznaha ŭzrostu, jakija pryvodziać instrukcyi, časta prymianialnyja tolki dla siaredniestatystyčnych dziaciej ź siaredniestatystyčnaj (pa ŭjaŭleńni vytvorcaŭ miedykamientu) vahoj.

16. Žarapanižalnyja preparaty nie prymianiajucca prafiłaktyčna — tolki pa fakcie pavyšeńnia tempieratury i nieabchodnaści. 

17. Nie rekamiendujecca budzić dzicia, kab dać jamu žarapanižalny preparat (hł. p. 7). 

18. Dla vymiareńnia dozy miedykamientaŭ rekamiendujecca karystacca admysłovymi mierkami, jakija da ich prykładajucca, a nie ličyć, što stałovaja łyžka — heta 15 mł luboha rečyva.

• 1
• 0
• 0
• 0
• 0
• 0
• 0
• 0