Jon vyjšaŭ 200 hadoŭ tamu.
13 śniežnia ŭ Navukovaj biblijatecy Połackaha dziaržaŭnaha ŭniviersiteta adkryvajecca vystava, prymierkavanaj da 200-hodździa samaha staražytnaha časopisa, vydadzienaha na terytoryi sučasnaj Biełarusi — «Połackaha štomiesiačnika» («Miesięcznika Połockiego»). Jaho ŭ 1818—1820 hadach vydavali manachi i vykładčyki znakamitaj Połackaj jezuickaj akademii, paviedamlaje Źviazda.
— Časopis byŭ zasnavany fiłosafam i vykładčykam akademii Vincencijem Bučynskim ź inicyjatyvy rektara akademii Rajmunda Bžazoŭskaha. Mieŭ 6 raździełaŭ: litaratury i volnych navuk, maralna-fiłasofski, fizika-matematyčny, histaryčny, krytyčny, litaraturnych navin. Na praciahu 1818 hoda vyjšła 12 numaroŭ štomiesiačnika. Apošnija dva numary źjavilisia ŭ 1820 hodzie napiaredadni zakryćcia akademii i vyhnańnia jezuitaŭ z krainy, — raskazali arhanizatary.
Admysłova da hetaj vystavy Nacyjanalnaja biblijateka Biełarusi pieradała try asobniki ŭnikalnaha vydańnia. Udzieł u adkryćci vystavy i navukovaj kanfierencyi, pryśviečanaj 50-hodździu Navukovaj biblijateki Połackaha dziaržaŭnaha ŭniviersiteta, prymie namieśnik dyrektara Nacyjanalnaj biblijateki Biełarusi Aleś Suša. «Dla nas vialiki honar zachoŭvać knižnuju spadčynu Biełarusi i rabić jaje dastupnaj nie tolki dla našych čytačoŭ i naviedvalnikaŭ u Minsku, ale praz takija mierapryjemstvy pradstaŭlać jaje ŭsim hramadzianam krainy i zamiežža», — paviedamiŭ Aleś Suša.
Vystava budzie pracavać z 13 pa 20 śniežnia ŭ budynku kolišniaj Połackaj jezuickaj akademii (siońnia — korpus Połackaha dziaržaŭnaha ŭniviersiteta). Adkryćcio adbudziecca sionia a 15-j hadzinie pa adrasie Połack, vuł. Straleckaja, 4, Korpus A, aŭd. 110.
-
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
-
A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
-
Novy mastacki kiraŭnik Kupałaŭskaha — rasijanin z pravincyjnych teatraŭ
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary