Nacbank Biełarusi u 2019 h. raźličvaje zachavać padychody ŭ kursavoj palitycy, paźbiahajučy farmiravańnia devalvacyjnaha naviesu — kurs budzie płavajučym, zajaviŭ staršynia praŭleńnia Nacbanka Pavieł Kałaŭr na pres-kanfierencyi ŭ čaćvier, piša Tut.by.
«Ryzyka taho, što my sutykniemsia ź impartam inflacyjna-devalvacyjnych pracesaŭ z Rasii vialikaja», — pryznaŭ Kałaur. Dla minimizacyi nastupstvaŭ patrebna adkaznaja hrašova-kredytnaja palityka, padkreśliŭ kiraŭnik Nacbanka.
«Kali hetych mier budzie niedastatkova, zadziejničajem bolš šyroki śpiektr instrumientaŭ», — zapeŭniŭ jon.
Mahčymy rost vałacilnaści biełaruskaha rubla pry hetym Kałaŭr nazvaŭ płataj za niedastatkova raznastajny ekspart.
«Adrazu mahu adkazać na pytańnie, jakoje mnie zvyčajna zadajuć — jakim budzie kurs biełaruskaha rubla ŭ kancy 2019 hoda. Kurs budzie spraviadlivym», — padkreśliŭ kiraŭnik Nacbanka.
Kałaŭr adznačyŭ, što staŭka refinansavańnia na kaniec 2019 hoda składzie 9-10%. Inflacyja składzie nie bolš za 5%.
Padvodziačy vyniki hoda, jon adznačyŭ, u pryvatnaści, što pracentnyja staŭki pa novych rynkavych rublovych kredytach zaraz składajuć kala 11% — heta histaryčny minimum i na 20 pracentnych punktaŭ nižej za apošni pikavy ŭzrovień
Kałaŭr taksama adznačyŭ, što ŭ nastupnym hodzie razhladajecca mahčymaść admovy ad ŭstanaŭleńnia rehulataram hraničnaha ŭzroŭniu stavak na kredytna-depazitnym rynku.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal6
Kamientary