Kala tryccaci «maci 328» pryjšli ŭ parłamient i patrabavali, kab deputaty pryniali źmieny ŭ zakon

Siońnia, 20 śniežnia, kala 30 žančyn z ruchu 328 pryjšli da parłamienta, jaki ŭčora nie staŭ razhladać u druhim čytańni źmianieńni ŭ narkatyčnyja artykuła KK. Jak pieradaje karespandent TUT.BY, deputaty pryniali žančyn u Pałacie pradstaŭnikoŭ.

Pavialičyć

Maci źniavolenych pa narkatyčnym artykule 328 pryjšli ŭ čaćvier da parłamienta. Sustrečy z deputatami patrabavali bolš za tryccać čałaviek. Napiaredadni, nahadajem, stała viadoma, što pasłableńni ŭ narkatyčnyja artykuły KK, jakija byli pryniaty ŭ pieršym čytańni letam, padčas druhoha čytańnia z zakonaprajekta byli vyklučanyja. Žančyny spadziavalisia na toje, što paśla pryniaćcia źmianieńniaŭ pa artykule 328 kala 800 źniavolenych zmahli b vyjści z turmaŭ.

Pavialičyć

Sustrečy maci čakali kala hadziny. U vyniku ich zaprasili ŭ faje budynka Pałaty pradstaŭnikoŭ, da žančyn vyjšli deputaty Vasil Čakan i Valancin Michnievič.

— My tut nie dla taho, kab kahości pakryŭdzić, a dla taho, kab prymusić vas vykanać svoj abaviazak i svaje abiacańni. A vinny vy nam, tamu što dziakujučy nam vy tut, vy našy abaroncy, — skazała adna z maci. — Vy pavinny byli horła sarvać, adstojvajučy pryniaćcia hetaha prajekta.

Pavialičyć

Mnohija žančyny na sustrečy z deputatami płačuć.

Valancin Michnievič raspavioŭ prysutnym, što ad zakonaprajekta deputaty nie admovilisia, jaho buduć dapracoŭvać.

Pavialičyć

— Prajekt prachodziŭ prapracoŭku da druhoha čytańnia. Ale pa im niama adzinaha ahulnaha mierkavańnia pakul. Šmat prychodziła ludziej, pastupała šmat pytańniaŭ. Tolki ŭ minułuju piatnicu da nas pastupili dadatkovyja pytańni pa ŭmovach utrymańnia vašych dziaciej [u kałonii], — pryvioŭ prykład niaŭličanych u siońniašnim prajekcie pytańniaŭ Michnievič. — Pytajucca, i čamu źmieny nie datyčacca čaćviortaj častki? Čamu tam nie hladzim pa źmiakčeńni pakarańnia? Abmierkavaŭšy, prapanavali i vyrašyli: normu vyklučyć z prajekta, praciahnuć pa im pracu.

— Toje, što vy hatovyja dapracavać, darabić — dapracoŭvajcie. My budziem čakać Andrejčanku, kab rašeńnie było pierahledžana i siońnia pryniali toje, što jość, — aburajecca maci.

Pavialičyć

Fota: Aleh Kindar, TUT.BY

— Siońnia siesija zakryvajecca (nastupnaja pačniecca ŭ krasaviku — Red.), — adkazaŭ deputat.

— Kali było treba, rašeńnie pa ałkaholnym prajekcie pryniali za sutki, — zaŭvažyli maci. — Navošta z-za pytańniaŭ pobytu zatrymlivać prajekt? Toje, što našy dzieci ŭ miescach źniavoleńnia chodziać zimoj i letam u adnoj vopratcy, — heta siońnia nie samaja vialikaja prablema. Pakul vy budziecie prymać źmieny, našy dzieci za parušeńni biez zbytu adsiedziać i vyjduć, mnohija ŭžo adsiedzieli pa šeść hadoŭ, — kažuć maci.

• 0
• 0
• 0
• 0
• 0
• 0
• 0
• 0