Pieramovy, zapłanavanyja na zaŭtra ŭ Maskvie, Alaksandr Łukašenka nazvaŭ niaprostymi, pieradaje president.gov.by.
Siońnia na naradzie napiaredadni zaŭtrašnich pieramovaŭ u Maskvie Łukašenka prapanavaŭ abmierkavać dalejšaje prasoŭvańnie ŭ vyrašeńni intehracyjnych pytańniaŭ, niepachisna pavažajučy suvierenitet dźviuch krain i asabliva vybar narodaŭ — rasijan i biełarusaŭ.
Alaksandr Łukašenka adznačyŭ, što nakont haza na nastupny hod ceny urehulavanyja: «Niachaj heta ŭ dva razy daražej, čym u Rasii. Ale voś užo try hady zapar, uklučajučy 2019-y, — my damovilisia ab cenaŭtvareńni».
«Što tyčycca koštaŭ na naftu, situacyja źmianiłasia try hady tamu. Na praciahu hetych troch hadoŭ praz padatkovy manieŭr my stracili amal $4,5 młrd. My razumiejem, što ŭ bližejšyja hady, pryblizna da 2024 hoda, paniasiem strat jašče na $10,5 młrd», — kanstatavaŭ Łukašenka.
«I mnie asabista, i ŭrad heta nie admaŭlaŭ, žorstka paabiacali: «My (Rasija. — Zaŭvaha.) nikoli nie pojdziem na paharšeńnie ekanamičnaj situacyi ŭ Biełarusi, i my kampiensujem straty ad padatkovaha manieŭru». Heta byli abiacańni. My razumieli i hatovyja byli vieści pieramovy, — zajaviŭ Alaksandr Łukašenka. — Byccam by vy na ŭzroŭni dvuch uradaŭ paličyli ŭsio, było pryniata rašeńnie».
Kiraŭnik dziaržavy taksama adznačyŭ, što raniej była zajava pieršaha vice-premjera Rasii Antona Siłuanava, jaki vioŭ adpaviednyja pieramovy, što straty Biełarusi niemałyja, i rasijski bok byŭ hatovy kampiensavać hetyja straty za košt biudžetu. «I potym raptam usio spyniłasia. Ja chacieŭ by atrymać adkaz na pytańnie: čamu spynilisia hetyja pieramovy, kali ŭ pryncypie ŭsio było hatova dla pryniaćcia rašeńnia navat na sajuznym Saŭminie ŭ Breście?» — skazaŭ Łukašenka.
Jon dadaŭ, što varyjantaŭ u chodzie zaŭtrašnich pieramoŭ u Kramli pa rašeńni tych ci inšych pytańniaŭ šmat, ale biełaruski bok pavinien vyrazna paznačyć i adstojvać svaju pazicyju.
Kamientary