Napiaredadni pajezdki da Uładzimira Pucina Alaksandr Łukašenka sabraŭ ministraŭ na naradu «pa aktualnych pytańniach supracoŭnictva z Rasijaj».
Jak paviedamlaje BiełTA, Alaksandr Łukašenka adznačyŭ, što Rasija dla Biełarusi źjaŭlajecca klučavym źniešnim partnioram. «My zaŭsiody padkreślivali značnaść hetaha ŭzajemadziejańnia. Usiebakovy charaktar našych adnosin maje surjoznaje značeńnie nie tolki dla Biełarusi, ale taksama i dla Rasii. Jany budujucca na sistemnaj i, samaje hałoŭnaje, płanavaj asnovie», — zajaviŭ Łukašenka.
Jon nahadaŭ, što ŭ dvuchbakovym farmacie padpisany mnohija pahadnieńni, ale jany nie vykonvajucca.
Pavodle słoŭ Łukašenki, achopleny vielmi šyroki śpiektr pytańniaŭ — makraekanomika, biudžetnaja, pramysłovaja i źniešniaja palityka, transpartnaja prastora i mihracyja, achova zdaroŭja i kultura. «Pa ŭsich napramkach byli pryniaty peŭnyja płany. My ŭščylnuju nablizilisia da stvareńnia adzinaha paliŭna-enierhietyčnaha rynku, idziom da farmiravańnia ahulnaj pravavoj prastory Sajuznaj dziaržavy», — zajaviŭ jon.
Na 25 śniežnia zapłanavana sustreča Alaksandra Łukašenki i Uładzimira Pucina.
Kamientary