U Rasii hledačy ŭsio bolš chodziać na rasijskaje kino i ŭsio mienš — na zamiežnaje
Kasavyja zbory i naviedvalnaść rasijskich filmaŭ, pa dadzienych Adzinaj fiederalnaj aŭtamatyzavanaj infarmacyjnaj sistemy źviestak ab pakazie filmaŭ (AAIS) na 24 śniežnia, pabili rekordnyja značeńni papiaredniaha hoda. Pra heta paviedamlajecca na sajcie Fondu kino.
U 2018 hodzie, pa dadzienych AAIS, kasavyja zbory i naviedvalnaść rasijskich filmaŭ užo pieravysili 13,1 miljarda rasijskich rubloŭ ($190 miljonaŭ) i 55 miljonaŭ hledačoŭ, abnaviŭšy tym samym rekordnyja značeńni 2017 hoda (13 miljardaŭ rasijskich rubloŭ ($188,7 miljona); 54,7 miljona hledačoŭ pa vynikach hoda).
Ciapierašni hod byŭ niaprostym dla rasijskaha rynku kinaprakatu ŭ cełym. U paraŭnańni z anałahičnym pieryjadam 2017 hoda abjom kinaprakatu ŭ rublovym ekvivalencie skaraciŭsia na 6,5% (pavodle prahnozaŭ, pa vynikach hoda źnižeńnie składzie 5%). Zbory i naviedvalnaść zamiežnych karcin skaracilisia na 10%. Pry hetym adpaviednyja pakazčyki rasijskich filmaŭ, naadvarot, demanstrujuć rost 4,7%.
U 2018 hodzie 8 karcin sabrali ŭ prakacie bolš za 1 miljard rasijskich rubloŭ kasavych zboraŭ, dźvie ź ich — rasijskaj vytvorčaści, stvoranyja pry padtrymcy Fondu kino: «Ruch uvierch» (2,9 miljarda rasijskich rubloŭ, abo $42 miljona) i «Lod» (1,4 miljarda rasijskich rubloŭ, abo $20,3 miljona). Hetyja karciny spartyŭnaj tematyki pryciahnuli ŭ 2018 hodzie ŭ kinateatry Rasii 11,5 miljona rasijskich rubloŭ ($167 miljonaŭ) i 6 miljonaŭ hledačoŭ.
Kamientary