U Biełarusi 139 893 fizičnyja asoby zdajuć u arendu žyłyja i niežyłyja pamiaškańni, a taksama mašyna-miescy. Takija dadzienyja pa stanie na pačatak kastryčnika hetaha hoda paviedamili FINANCE.TUT.BY ŭ MPZ. Pry hetym vypłačany imi padachodny padatak u fiksavanych sumach skłaŭ amal 21,9 miljona rubloŭ.
Dla tych, chto zdaje ŭ arendu žyłyja i niežyłyja pamiaškańni, haražy ŭviedzieny maksimalny hadavy dachod, pry pieravyšeńni jakoha treba padavać u padatkovuju dekłaracyju pa padachodnym padatku. Dachody ŭ takim vypadku abkładajucca padatkam u 13%. U 2018 hodzie miaža takoha prybytku składaje 6116 rubloŭ.
Na pačatak kastryčnika hetuju sumu pieravysili 1485 čałaviek. Jany zapłacili padachodny padatak, pieraličany zychodziačy z pradstaŭlenych padatkovych dekłaracyj, na ahulnuju sumu 1 miljon 515 tysiač rubloŭ.
U Biełarusi źbirajucca ŭnieści źmieny ŭ Padatkovy kodeks. Płanujucca novaŭviadzieńni i dla tych, chto zdaje ŭ arendu žyllo i mašyna-miescy. Dla ich chočuć admianić vierchniuju płanku dachodu, pry dasiahnieńni jakoha treba padavać u padatkovuju dekłaracyju pa padachodnym padatku i ŭnosić dapłatu.
«Dla hramadzian, jakija vypłačvajuć padachodny padatak u fiksavanych sumach, prapanujecca admianić abaviazak pradstaŭlać u padatkovy orhan paśla zakančeńnia kalandarnaha hoda padatkovuju dekłaracyju pa padachodnym padatku ŭ vypadku pieravyšeńnia ŭstanoŭlenaha zakanadaŭstvam pamieru hadavoha dachodu i, adpaviedna, vyklučyć dapłatu padatku ŭ hetym vypadku», — udakładniali raniej u MPZ.
Ciapier čytajuć
Połk Kalinoŭskaha paviedamiŭ pra hibiel troch bajcoŭ5
Kamientary