У Беларусі 139 893 фізічныя асобы здаюць у арэнду жылыя і нежылыя памяшканні, а таксама машына-месцы. Такія дадзеныя па стане на пачатак кастрычніка гэтага года паведамілі FINANCE.TUT.BY ў МПЗ. Пры гэтым выплачаны імі падаходны падатак у фіксаваных сумах склаў амаль 21,9 мільёна рублёў.
Для тых, хто здае ў арэнду жылыя і нежылыя памяшканні, гаражы ўведзены максімальны гадавы даход, пры перавышэнні якога трэба падаваць у падатковую дэкларацыю па падаходным падатку. Даходы ў такім выпадку абкладаюцца падаткам у 13%. У 2018 годзе мяжа такога прыбытку складае 6116 рублёў.
На пачатак кастрычніка гэтую суму перавысілі 1485 чалавек. Яны заплацілі падаходны падатак, пералічаны зыходзячы з прадстаўленых падатковых дэкларацый, на агульную суму 1 мільён 515 тысяч рублёў.
У Беларусі збіраюцца ўнесці змены ў Падатковы кодэкс. Плануюцца новаўвядзенні і для тых, хто здае ў арэнду жыллё і машына-месцы. Для іх хочуць адмяніць верхнюю планку даходу, пры дасягненні якога трэба падаваць у падатковую дэкларацыю па падаходным падатку і ўносіць даплату.
«Для грамадзян, якія выплачваюць падаходны падатак у фіксаваных сумах, прапануецца адмяніць абавязак прадстаўляць у падатковы орган пасля заканчэння каляндарнага года падатковую дэкларацыю па падаходным падатку ў выпадку перавышэння ўстаноўленага заканадаўствам памеру гадавога даходу і, адпаведна, выключыць даплату падатку ў гэтым выпадку», — удакладнялі раней у МПЗ.
«Міс Беларусь» усё больш нагадвае конкурс прыгажосці ў гарэме22
Каментары