Alaksandr Łukašenka siońnia na navahodnim bali dla moładzi ŭ Pałacy Niezaležnaści tancavaŭ vals z «Mis Biełaruś — 2018» Maryjaj Vasilevič, paviedamlaje BiełTA.
Kiraŭnik dziaržavy pryznaŭsia, što rady bačyć u Pałacy Niezaležnaści talenavitych, prybranych i aduchoŭlenych maładych ludziej.
Alaksandr Łukašenka źviarnuŭ uvahu, što prysutnyja na bali maładyja ludzi apynulisia ŭ Pałacy Niezaležnaści nievypadkova.
«Hety bal — svajho rodu padarunak za starannaść, pracavitaść, vydatnuju vučobu, za vašu inicyjatyŭnaść. Tut najlepšyja, — zajaviŭ kiraŭnik dziaržavy. — Vy samaja aktyŭnaja i prahresiŭnaja častka našaha nasielnictva».
Na navahodni bal u Pałac Niezaležnaści zaprasili amal 300 studentaŭ i staršakłaśnikaŭ, jakija dabilisia asablivych pośpiechaŭ u vučobie, tvorčaści i sporcie, navukovaj i hramadskaj dziejnaści.
Kamientary