Arhanizatar sustrečy z Aleksijevič sprabavaŭ zabaranić hledačam zadavać pytańni pra palityku
U hateli DoubleTree by Hilton u Minsku 9 studzienia prajšła sustreča z nobieleŭskaj łaŭreatkaj Śviatłanaj Aleksijevič. Arhanizataram vystupiła IT-kampanija Andersen. A maderataram sustrečy byŭ dyrektar pradpryjemstva Alaksandr Chomič.
Kali adna z hladačak z zały paprasiła Śviatłanu Aleksijevič dać acenku palityčnaj situacyi ŭ Biełarusi, to Chomič adreahavaŭ tak:
«Davajcie tak, my damaŭlalisia na hetaj sustrečy nie padymać takija pytańni, my razmaŭlajem ab litaratury», — adkazaŭ Chomič.
«Nie, my budziem, takoje možna adkazać. Možna-možna, kali čałaviek pryjšoŭ, — zapeŭniła Aleksijevič. — Ja adkažu karacieńka, kab našy arhanizatary nie akazalisia ŭ ciažkoj situacyi. My majem spravu z čałaviekam, jaki śpić, jaki nie pračnuŭsia, jaki jeść, apranajecca, ale nie pračnuŭsia. I što pavinna zdarycca, kab jon pračnuŭsia, ja nie viedaju, mabyć, niejki mocny zruch».
Kali ŭ adnym z nastupnych pytańniaŭ u Aleksijevič stali cikavicca, čamu biełarusy nie takija raźniavolenyja, jak palaki ci ŭkraincy, to piśmieńnica pažartavała i zaśmiajałasia: «Ad vašych pytańniaŭ naš arhanizatar užo ŭ žachu».
Napiaredadni sustrečy ŭmovaj akredytacyi žurnalistaŭ było ŭzhadnieńnie kančatkovaha tekstu z arhanizatarami. Heta vyklikała abureńnie ŭ miedyjnaj prastory.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram16
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary