Арганізатар сустрэчы з Алексіевіч спрабаваў забараніць гледачам задаваць пытанні пра палітыку
У гатэлі DoubleTree by Hilton у Мінску 9 студзеня прайшла сустрэча з нобелеўскай лаўрэаткай Святланай Алексіевіч. Арганізатарам выступіла ІТ-кампанія Andersen. А мадэратарам сустрэчы быў дырэктар прадпрыемства Аляксандр Хоміч.
Калі адна з глядачак з залы папрасіла Святлану Алексіевіч даць ацэнку палітычнай сітуацыі ў Беларусі, то Хоміч адрэагаваў так:
«Давайце так, мы дамаўляліся на гэтай сустрэчы не падымаць такія пытанні, мы размаўляем аб літаратуры», — адказаў Хоміч.
«Не, мы будзем, такое можна адказаць. Можна-можна, калі чалавек прыйшоў, — запэўніла Алексіевіч. — Я адкажу караценька, каб нашы арганізатары не аказаліся ў цяжкой сітуацыі. Мы маем справу з чалавекам, які спіць, які не прачнуўся, які есць, апранаецца, але не прачнуўся. І што павінна здарыцца, каб ён прачнуўся, я не ведаю, мабыць, нейкі моцны зрух».
Калі ў адным з наступных пытанняў у Алексіевіч сталі цікавіцца, чаму беларусы не такія разняволеныя, як палякі ці ўкраінцы, то пісьменніца пажартавала і засмяялася: «Ад вашых пытанняў наш арганізатар ужо ў жаху».
Напярэдадні сустрэчы ўмовай акрэдытацыі журналістаў было ўзгадненне канчатковага тэксту з арганізатарамі. Гэта выклікала абурэнне ў медыйнай прасторы.
-
«Калі ты знаходзішся сам-насам з сабой, хочацца расплакацца, успамінаючы ўсё». Ірына Шчасная пра жыццё на волі і валанцёрства ва Украіне
-
Прадпрымальнік, звязаны з атачэннем Лукашэнкі, валодае адным з самых дарагіх рэстаранаў у Вільні і гатэлем у Троках
-
Дашкевіч чакае ад Бабарыкі і Калеснікавай публічнага прызнання памылак
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары