Niekalki prarasijskich arhanizacyjaŭ źviarnulisia ŭ Hienieralnuju prakuraturu Respubliki Biełaruś z zaklikam raspačać praces likvidacyi Partyi BNF.
Zvarot padpisany čatyrma hramadskimi abjadnańniami, adnoj pryvatnaj ustanovaj i adnym samaabvieščanym «kaardynacyjnym savietam» niavyznačanaha jurydyčnaha statusa.
Nahodaj dla zvarota pasłužyła zajava Sojmu Partyi BNF «Biełaruskaja mova — najvažniejšy faktar nacyjanalnaj biaśpieki dla niezaležnaj biełaruskaj dziaržavy», ahučanaja 12 studzienia.
«Možna było b tolki paśmiajacca z hetaha naiŭnaha danosu ŭ biełaruskuju prakuraturu. Heta nie pieršy raz kali stalinisty i inšyja pamahatyja rasiejskaha imperyjalizmu sprabujuć zabrudzić imia BNF abvinavačańniami ŭ ekstremiźmie. Tak było ŭ savieckija časy, tak zdarajecca ŭ časy vybarčych kampanijaŭ. Pryhadvaju, jak u 2016 hodzie takaja ž zadumka była ŭ deputata rasiejskaj dziarždumy i hałoŭnaha jurysta KPRF Vadzima Sałaŭjova — toj u rasiejskuju hienprakuraturu źviartaŭsia z zaklikam pryznać BNF i Małady Front ekstremistami, ale ni da čaho heta nie pryviało. Naturalna, biełaruskaja prakuratura viedaje chto tut nasamreč jość ekstremistam i chto pracuje suprać biełaruskaha naroda i biełaruskich intaresaŭ (pra heta navat u minułym hodzie na adras pradstaŭnikoŭ hetaj brudnaj «Novaj ekanomiki» i prysudy vynosilisia za raspalvańnie antybiełaruskaj varažniečy)», — kaža staršynia Partyi BNF Ryhor Kastusioŭ.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj80
Kamientary