Papa rymski Francišak ličyć, što ŭ škołach pavinna pravodzicca «abjektyŭnaja» seksualnaja adukacyja «bieź ideałahičnych štampaŭ», paviedamlaje italjanskaje ahienctva ANSA.
«U škołach treba, kab była seksualnaja adukacyja. Seks — dar božy, heta dar kachać, a nie niejki monstr. Kali niechta vykarystoŭvaje jaho dla taho, kab zarabić abo ŭ metach ekspłuatacyi bližniaha, heta ŭžo inšaja prablema. Treba davać abjektyŭnuju seksualnuju adukacyju bieź ideałahičnych štampaŭ», — skazaŭ pantyfik.
Na jaho dumku, pravilnaje adukacyjnaje vykładańnie temy «dapamoža raskryvać najlepšaje ŭ ludziach». «Prablema ŭ sistemie, u vybary pravilnych vykładčykaŭ i knih. Idealna, kali b heta adukacyja išła ź siamji, ale nie zaŭsiody heta mahčyma, tamu škoła pavinna zapaŭniać hety prabieł, kab jon nie byŭ zapoŭnieny niapravilnym razumieńniem», — adznačyŭ Francišak.
Kamientary