Hurt «J:mors» vypuskaje ŭłasny morsavy napoj — užo na nastupnym tydni jaho možna budzie nabyć pa ŭsioj krainie. Pakaštavać navinku možna budzie 14 lutaha na kancercie kalektyva ŭ staličnym Prime Hall.
Morsavy napoj «J:mors» — supolny pradukt hurta i Minskaha zavoda biezałkaholnych napojaŭ, viadomaha pa minieralnaj vadzie «Minskaja-4», soku «Biarozavik», «Bieła-kole».
Pieršaja partyja novaha praduktu ŭžo vyrablena i znachodzicca na stadyi siertyfikacyi. Da siaredziny lutaha plaški z «J:mors» dvuch smakaŭ (žuraviny i čornyja parečki) pavinny źjavicca na palicach kramaŭ pa ŭsioj krainie.
— Na Zachadzie vypusk brendziravanych muzykami napojaŭ — papularnaja praktyka. Pa takoj schiemie pracujuć Metallica, Kiss i šmatlikija inšyja artysty. My vyrašyli, što Biełaruś ničym nie horšaja. Napoj «J:mors» my raspracoŭvali kala šaści miesiacaŭ z muzykami hurta, pierabrali 15 varyjantaŭ smaku. Heta całkam naturalny pradukt, — adznačaje Juryj Rakaviec, dyrektar pa markietynhu Minskaha zavoda biezałkaholnych napojaŭ.
— Nam pieryjadyčna prapanoŭvali vypuścić mors «J:mors» i raniej, ale tolki zaraz my pabačyli surjozny padychod da spravy. Napoj atrymaŭsia vielmi smačnym — spadabaŭsia mnie samamu i ŭsim, kamu davaŭ pakaštavać, — adznačyŭ lidar hurta Uładzimir Puhač.
14 lutaha ŭ Prime Hall hurt «J:mors» prezientuje novuju prahramu «Kryły».
Kvitki ad 43 rubloŭ na sajtach Kvitki.by, Primehall.by, u kasach kłuba i horada, sałonach «Jevrosieť, «Śviaznoj», «Na śviazi» pa ŭsioj Biełarusi. Infalinija: (044) 551 77 06, (029) 851 77 06.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary