Hiendyrektar BiełTA Akułovič nastojvaje na pryciahnieńni Zołatavaj da kryminalnaj adkaznaści
Sud praciahvaje razhladać spravu hałoŭnaha redaktara Tut.by Maryny Zołatavaj, jakoj pradjaŭlenaje abvinavačvańnie pa č. 2 art. 425 KK (Biaździejnaść słužbovaj asoby).
Pačaŭsia sud nad redaktarkaj Tut.baj. Publika sustreła jaje dvuchchvilinnaj avacyjaj
Paśla abiedu sud praciahnuŭ dopyt śviedak. Vystupić na pracesie pryjšła hiendyrektar BiełTA Iryna Akułovič. Ad kamientaroŭ jana admoviłasia.
— Usie kamientary buduć paśla ŭstupleńnia prysudu ŭ zakonnuju siłu.
— Miarkuju, vy ŭžo bačyli, što kazali ŭ sudzie vašy kalehi?..
— Ja adkazała vam na vašyja pytańni.
Iryna Akułovič była pryznačanaja hienieralnym dyrektaram BiełTA 9 krasavika 2018 hoda. Prakuror začytała zajavu ŭ MUS ad Akułovič, u im havorycca, što adbyŭsia zboj u zakazčyka — haziety «Respublika», Iryna Akułovič paprasiła pravieści pravierku pa hetym fakcie.
— My ŭbačyli zachod z telefona MTS, źviazalisia z kalehami i vyśvietlili, što nichto im nie karystaŭsia, — vystupaje ŭ sudzie Akułovič.
Na jaje dumku, BiełTA niedaatrymała płaciažy (za padpisku), zachod trecich asob — heta «padryŭ aŭtarytetu». U tym liku adbyłasia «strata infarmacyi ŭnikalnaha značeńnia».
Prakuror pytajecca, čamu dla žurnalista tak važna być pieršym.
— Ad hetaha zaležyć naviedvalnaść, rekłamadaŭcy. Google i Yandex staviać navinu na pieršaje miesca, i vidać, chto vydaŭ navinu paźniej, — tłumačyć Iryna Akułovič.
Pamier škody ad dziejańniaŭ hałoŭnaha redaktara tut.by ahienctva vystaŭlała z raźliku płaty za miesiac padpiski. Naprykład, kali treciaja asoba zachodziła na płatnuju padpisku ŭ studzieni 2018 hoda, to braŭsia košt padpiski za hety pieryjad, patłumačyła jana.
Dziaržabvinavaŭca ŭdakładniła: z ulikam taho, što pazoŭ pahašany, ci admaŭlajecca ciapier ad jaho BiełTA? Akułovič adkazała, što adkaža paźniej.
— Vy nastojvajecie na pryciahnieńni da kryminalnaj adkaznaści? — pytajecca prakuror.
— Tak.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary